مايقايىڭدا كەنشٸلەردٸڭ ٷيٸندٸ استىندا قالعانىنا ەكٸ اي بولدى. ولاردىڭ تۋىستارى پرەزيدەنتكە ٷندەۋ جاسادى, - دەپ حابارلايدى Dalanews.kz.
كەنشٸلەردٸڭ تۋىستارى كەزەكتٸ ٷندەۋدٸ تۋرا ەكٸ ايدان كەيٸن جاساعان. ٷندەۋ اۆتورلارى پرەزيدەنتتەن 36 جاستاعى قۇتقارۋشى ايدوس شايمەردەن مەن 55 جاستاعى جٷرگٸزۋشٸ ايىپ تٸلەۋبەرگەنوۆتٸ ٸزدەۋگە كٶمەكتەسۋدٸ سۇرايدى.
"ەلٸمٸز ٶركەنيەتتٸ ەلەمدە بولعانىمەن, اشىق كارەردەگٸ ادامداردى ەكٸ ايدان بەرٸ قۇتقارا الماي جاتىرمىز. ايتارعا سٶزٸم جوق", – دەدٸ مايقايىڭداعى ٷيٸندٸ استىندا قالعان جٷرگٸزۋشٸنٸڭ اعاسى امانگەلدٸ تٸلەۋبەرگەنوۆ.
ٷندەۋدە جوعالىپ كەتكەن ادامداردىڭ جاقىندارى ولاردى ٸزدەۋ جۇمىستارىن جالعاستىرۋدى سۇراعان.
"الداعى ۋاقىتقا جۇمىس جوسپارى بولماعان سوڭ ٸزدەۋ توقتاپ قالدى. ول قاشان دايىن بولادى دەگەن سۇراققا بٸزگە جاۋاپ بەرە الماي وتىر. سوندىقتان ٶزٸمٸز وسىنداي ۇيىم تاپتىق, بٸراق ەلٸ ولارمەن شارت جاساسقان جوقپىز", – دەيدٸ قۇتقارۋشىنىڭ ەپكەسٸ ايناش مەجيتوۆا.
ولار ٸزدەۋ جۇمىستارى جالعاسپاي, وسىمەن توقتاپ قالا ما دەپ الاڭداپ وتىر. ولاردىڭ سٶزٸنشە, قايعىلى وقيعاعا جاۋاپتى ادامدار جازادان قۇتىلىپ كەتۋٸ مٷمكٸن.
ايتا كەتەيٸك, بيىل 4 قاڭتارعا قاراعان تٷنٸ پاۆلودار وبلىسىنداعى "مايقايىڭالتىن" كومپانيياسىنىڭ شاحتاسىنىڭ جانىندا تٷتٸن شىقتى دەگەن حابار تاراعان بولاتىن. ارتىنشا كومپانييانىڭ تٶرت قىزمەتكەرٸ وتىرعان اۆتوبۋس شۇڭقىرعا تٷسٸپ كەتكەن. ەكٸ قىزمەتكەر ٶلٸ تابىلدى.
قالعان ەكٸ قىزمەتكەر ەلٸ كٷنگە دەيٸن تابىلماي جاتىر.
