"مايقايىڭالتىنداعى" اپاتتى جاعداي باسقا كەن ورىندارىندا قايتالانۋى مٷمكٸن. سەبەبٸ بۇعان دەيٸن جەر قويناۋىنداعى قازبا بايلىقتى يگەرۋدٸ عانا بٸلگەن ينۆەستورلار رۋدالاردىڭ ورنىن توپىراقپەن تولتىرماي, تەك بەتٸن جاۋىپ كەتە بەرگەن, دەپ حابارلايدى Dalanews.kz كتك ارناسىنا سٸلتەپ.
"رۋدالاردى العاننان كەيٸن, ەرينە, بوس ورىندار قالادى. بٸراق ول بوس ورىنداردى تولتىرۋ كەرەك. مايقايىڭدا بوس ورىندى بٸتەۋ دەگەن ۇعىم بار. سونىمەن تولتىرۋ كەرەك بولعان. بٸراق ول جەردە جوباعا ٶزگەرٸس ەنگٸزٸپ, تولتىراتىنىن الىپ تاستاعان. سوندىقتان بوس ورىن قالدى", - دەيدٸ تجم ٶنەركەسٸپ قاۋٸپسٸزدٸگٸ كوميتەتٸ تٶراعاسىنىڭ ورىنباسارى مۇسا تاناباەۆ.
ۆەدومستۆونى ەندٸگٸ مازالاپ وتىرعانى — 30 جىلدان بەرٸ كٷندٸز-تٷنٸ قازىلعان كەن ورىندارىنداعى اپاتتىڭ الدىن الۋ. ٸشٸ قۋىس قالعان كەن ورىندارى قازٸر جٸپكە تٸزٸلۋدە. ال "مايقايىڭالتىن" اۋماعىندا شۇڭقىرعا قۇلاعان ەكٸ ادامنىڭ مەيٸتٸن ٸزدەستٸرۋ 30 ناۋرىزدا جالعاسۋى مٷمكٸن.
تاۋ جىنىسىنىڭ قۇلاۋ قاۋپٸن ەندٸ ساراپتاما قورىتىندىسى كٶرسەتۋگە تيٸس. ەزٸرگە العاشقى سكانەرلەۋ نەتيجەسٸ قۇلاعان اۆتوبۋستىڭ تاعى دا جەتٸ مەتر تەرەڭدٸككە سىرعىعانىن انىقتاعان. قۇتقارۋ جۇمىستارىنا شەتەلدٸك مامانداردىڭ تارتىلمايتىنىن تٶتەنشە جاعدايلار مينيسترٸگٸ بٷگٸن اشىپ ايتتى.
"نەگٸزگٸ جۇمىس ەكسكاۆاتور شۇڭقىر قازادى. ماشيناعا تيەپ شىعارادى. بۇل جەردە قانداي شەت ەلدەن كٷش كەرەك? قاراپايىم جۇمىس قانا", - دەيدٸ تاناباەۆ.
