اقمولا وبلىسىندا استراحان اۋداندىق مەسليحاتى تٶراعاسىنىڭ ٷيٸنە قاراقشىلىق شابۋىل جاساعان ٷش رەتسيديۆيستكە قاتىستى ٷكٸم شىقتى, دەپ حابارلايدى Dala News.
ايىپتالۋشىلار قاتارىندا تاراز بەن شىمكەنت قالالارىنىڭ تۇرعىندارى بار. ولار ٸرٸ كٶلەمدە توناۋ, تۇرعىن ٷيگە زاڭسىز كٸرۋ جەنە الدىن الا سٶز بايلاسقان ادامدار توبى رەتٸندە كٶلٸكتٸ ايداپ كەتۋ باپتارى بويىنشا كٸنەلٸ دەپ تانىلدى.
سوت انىقتاعانداي, 2025 جىلدىڭ شٸلدەسٸندە ٷش ەر ادام ەدەيٸ استراحانكا اۋىلىنا كەلگەن. تٷندە بەتتەرٸن ماسكامەن جاۋىپ, قۇرامىندا حلورى بار گاز باللونىن الىپ, ٷيگە باسىپ كٸرگەن. سول سەتتە ٷيدە تٶرت ەرەسەك ادام مەن ٷش جاسار بالا بولعان.
قاراقشىلار اقشا مەن باعالى زاتتاردى تالاپ ەتكەن. قولما-قول قارجى مەن زەرگەرلٸك بۇيىمداردى يەمدەنگەن سوڭ, وتباسى مٷشەلەرٸن جەرتٶلەگە قاماپ, ٷي يەسٸنٸڭ كٶلٸگٸمەن وقيعا ورنىنان قاشىپ كەتكەن. كەلتٸرٸلگەن ماتەريالدىق شىعىن كٶلەمٸ 4,2 ملن تەڭگەنٸ قۇرادى.
سوت ەكٸ ايىپتالۋشىعا بۇرىن ٶتەلمەگەن جازالارىن ەسكەرە وتىرىپ, ەڭ جوعارى قاۋٸپسٸزدٸك مەكەمەسٸندە ٶتەيتٸن 8 جىل 6 اي باس بوستاندىعىنان ايىرۋ جازاسىن تاعايىندادى. ٷشٸنشٸ قاتىسۋشى 5 جىلعا ورتاشا قاۋٸپسٸزدٸك مەكەمەسٸنە جٸبەرٸلدٸ.
سونىمەن قاتار سوت ولاردان بٸرلەسٸپ ماتەريالدىق شىعىندى جەنە مورالدىق ٶتەماقىنى ٶندٸرٸپ الۋ تۋرالى شەشٸم شىعاردى. ەكٸ جەبٸرلەنۋشٸنٸڭ ەرقايسىسىنا 2 ملن تەڭگەدەن تٶلەۋ مٸندەتتەلدٸ.
جەكە قاۋلىلار ارقىلى سوت جامبىل جەنە تٷركٸستان وبلىستارىنىڭ پوليتسييا دەپارتامەنتتەرٸنە شارتتى تٷردە مەرزٸمٸنەن بۇرىن بوساتىلعان تۇلعالارعا باقىلاۋدى كٷشەيتۋ قاجەتتٸگٸن كٶرسەتتٸ.
ٷكٸمدەر ەزٸرگە زاڭدى كٷشٸنە ەنگەن جوق.
