ءقازاقتىلدى ورتادا "قياق مۇرت" اتانىپ كەتكەن ءماسىموۆتىڭ ەكس-پرەزيدەنتكە ەلىكتەپ كىتاپ جازاتىن ادەتى بار-تىن. Dalainside ونىڭ كوميتەتتى باسقارىپ تۇرعاندا "Amanat" دەپ اتالاتىن باسپا ءۇيىن اشقانىن انىقتادى. باسپانىڭ اتاۋى قازاقشا بولعانمەن، جاعرافياسى قازاقستاننان جىراقتا – ۆاشينگتوندا تىركەلگەن.
باسپا ءۇيىنىڭ قونىس-مەكەنى ەتىپ، اقش استاناسىن تاڭداپ الۋى تەگىن ەمەس. الىس قۇرلىقتا ءماسىموۆتى قولدايتىن ىقپالدى لوببي بار.
بۇعان ءسال كەيىنىرەك توقتالامىز، "Amanat-قا" قايتىپ ورالايىق.
باسپانىڭ كورپوراتيۆتىك سايتى جىپ-جىلماعاي، كۇدىك تۋعىزارلىق دانەڭە جوق. "Amanat" ءوزىن ەشكىمنىڭ ءسوزىن سويلەمەيتىن، دەربەس كومپانيا رەتىندە تانىستىرادى. "سۇرانىسقا يە ۇزدىك تۋىندىلاردى جاريالاۋعا اركەز دايار ەكەنىن" مالىمدەيدى.
سولاي بولا تۇرا، وسى كۇنگە دەيىن باسپادان نەبارى 3-اق كىتاپ جارىق كورگەن. تۇسىنگەن بولارسىز، ۇشەۋى دە ءماسىموۆ اۋلەتىنە تيەسىلى.
"Amanat" باسپاسىنان ءماسىموۆتىڭ – "تامىر" جانە "الەمنىڭ كەلەسى قوجايىنى: جاساندى ينتەللەكت" اتتى كىتابى باسىلىپ شىققان.
ال ءۇشىنشى كىتاپتىڭ ەگەسى – كارىمنىڭ اكەسى مارقۇم قاجىمۇقان اقساقال. "ەستەلىكتەر" دەپ اتالاتىن كىتاپتا ماسىموۆتەر اۋلەتىنىڭ وتكەنى مەن كەتكەنى باياندالعان.
Dalainside بۇدان دا تەرەڭگە ۇڭگىپ، ءماسىموۆتىڭ اقش-تاعى سىبايلاسىن تاپقان. ۇقك-نىڭ بۇرىنعى باسشىسىنىڭ ءتول تۋىندىلارىن كەڭىنەن تاراتۋعا، ءارى ونىڭ اقش-تاعى جاعىمدى وبرازىن قالىپتاستىرۋعا ۋكراين ازاماتى بولىسىپ وتىرعان.
اكسەنيا كرۋپەنكو ۋكراين تۋماسى جانە ءبىزدىڭ بولجام بويىنشا ماسىموۆكە تيەسىلى "Amanat" باسپاسىنا تىكەلەي قاتىستى تۇلعا، ءتىپتى وسى باسپانىڭ قوجايىنى بولۋى دا عاجاپ ەمەس.
باسپا ءۇيىنىڭ ۆەب-سايتىندا ونىڭ ەسىم-سويى جوق، الايدا قۇرىلتايشىلاردىڭ قۇجاتىندا – كرۋپەنكو مەكەمەنىڭ بەلدى قىزمەتكەرى دەپ كورسەتىلگەن.
ءماسىموۆتىڭ قولىمەن جازىلعان تۋىندىلاردى اقش-تاعى ىعاي مەن سىعايعا تاراتۋ جۇمىسى تىكەلەي كرۋپەنكوعا جۇكتەلگەن دەۋگە نەگىز بار.
اكسەنيانىڭ قۇزىرەتى مۇنىمەن شەكتەلمەيدى. Dalainside ونىڭ الەمجەلىدەگى پاراقشالارىن اقتارىپ، كەلەسىدەي قىزىقتى ماعلۇمات تاپتى.
كرۋپەنكو ءماسىموۆتىڭ داۋىرلەپ تۇرعان شاعىندا ۆاشينتونعا ءتۇرلى ماقساتپەن ات سابىلتىپ كەلەتىن شەنەۋنىكتەر مەن ديپلوماتتارعا ارناپ اگەنتتىك اشقان.
بىلايشا ايتقاندا، VIP كليەنتتەرگە قىزمەت كورسەتكەن. ولارعا وققاعار ۇسىنعان، قوناق ۇيگە ورنالاستىرعان، ات-كولىگى مەن اس-سۋىن قامداعان.
باسپانىڭ كورپوراتيۆتىك قۇجاتىندا كرۋپەنكودان وزگە ءماسىموۆتىڭ ۇلى – ەسكەندىر كارىمنىڭ دە ءاتى-جونى ءجۇر.
البەتتە، كرۋپەنكو ءماسىموۆتىڭ ءحالى مۇشكىل ەكەنىن جاقسى بىلەدى، وعان جاناشىر ەكەنى جاسىرىن ەمەس. ۋكرايناعا باسىپ كىرگەن پۋتين كرۋپەنكونىڭ "كارىمگە قول ۇشىن سوزسام..." دەگەن جوسپارىن بۇزعان ءتارىزدى.
كسەنيا ءقازىر اتاجۇرتىنا جاردەمدەسۋگە بىلەك تۇرە كىرىسكەن. ونىڭ ۇيىتقى بولۋىمەن ۋكرايناعا گۋمانيتارلىق كومەك جونەلتەتىن ارنايى قور قۇرىلىپتى. البەتتە، مۇنىسى قۇپتارلىق ءىس. دەسە دە، ءبىزدى ءماسىموۆتىڭ ماسەلەسى كوبىرەك قىزىقتىرادى.
Dalainside انىقتاعانىنداي كرۋپەنكو ءماسىموۆتىڭ ءتول تۋىندىلارىن اقش-تىڭ ىشكى-سىرتقى ساياساتىن ايقىندايتىن ءبىرتالاي ىقپالدى تۇلعالارعا ارنايى تارتۋ ەتكەن. وسىعان قاراپ-اق امەريكالىق ەليتا دا ءوز تاراپىنان "مۇرتتىمەن" بايلانىس ورناتۋعا مۇددەلى بولعانىن اڭعارامىز. الگى كىتاپتار بۇل ارادا "ورامال تون بولمايدى، جول بولادىنىڭ" دەگەن يشارانىڭ ءرولىن اتقارىپ تۇر.
سوندا مۇنىڭ تۇپكى ءمانى نەدە؟ كارىمنىڭ كوڭىلىن تابۋعا تىرىسقاندار نەنى كوزدەدى؟ ىلگەرىدە ايتقانىمىزداي، الىس قۇرلىقتا ءماسىموۆتىڭ ماسەلەسىنە بەي-جاي قارامايتىن مىقتى لوببي بار. ماسىموۆكە كىمدەر اراشا تۇسۋدە؟
زەرتتەۋدىڭ 2ء-شى تاراۋىندا بۇل ماسەلە ارى قاراي جالعاسادى. ارناعا تىركەلىپ الىڭىز
