قازاق اۋديتورياسى لافاريەردى ۇقك-نىڭ ەكس-توراعاسى كارىموۆ ءماسىموۆتىڭ ءسوزىن سويلەگەن دەپۋتات رەتىندە تانيدى. قاڭتار وقيعاسىنان كەيىن كوپ ۇزاماي قاماۋعا الىنعان ءماسىموۆ اقش پەن باتىستاعى لوببيستەردىڭ كومەگىنە جۇگىنگەن. سونىڭ ىشىندە فرانسۋز دەپۋتاتى ايرىقشا كوزگە تۇسكەن-تۇعىن.
ەۋروپارلامەنت مىنبەرىندە ماسىموۆكە اراشا سۇراپ، دابىل قاققان لافاريەر "ۇقك-نىڭ ەكس-توراعاسى ەكى وتتىڭ ورتاسىندا قالدى، ول رەپرەسسيانىڭ قۇربانى بولدى" دەپ ءمالىم ەتكەن.
"ءپاريجدىڭ كارىم قاجىمقانۇلىن اباقتىدان بوساتىپ الۋعا پارمەنى جەتەدى. قاڭتاردان كەيىن قۋدالاۋ كورگەن ساياسي تۇتقىنداردىڭ ىشىندە ءماسىموۆ ءىسى ەرەكشە كوڭىل ءبولۋدى قاجەت ەتەدى. فرانسۋز بيلىگى كارىمنىڭ سوتى ءادىل ءوتۋىن قامتاماسىز ەتۋى ءتيىس"، - دەگەن ەدى دەپۋتات.
بۇعان سول تۇستاعى سىرتقى ىستەر ءمينيسترى مۇحتار تىلەۋبەردى جەدەل جاۋاپ قاتىپ، باتىس جۇرتشىلىعى قاڭتار تراگەدياسىنىڭ ءمان-جايىن بىلە بەرمەيتىنىن ايتقان.
ال اmnesty International ءماسىموۆتىڭ بەرتىنگە دەيىن بىلىقتارىن جىپكە ءتىزىپ، ونى جازىقسىز جاپا شەككەندەردىڭ ساناتىنا قوسقان دەپۋتات لافاريەردىڭ ءۋاجىن جوققا شىعارعان.
"ونىڭ تۇسىندا قازاقستاننىڭ قاۋىپسىزدىك كوميتەتى ەلدەگى ەركىن ويلى ازاماتتارعا كۇن كورسەتپەدى. ءتۇرلى شپيوندىق باعدارلامالاردى پايدالانىپ نازاربايەۆتىڭ وپپونەنتتەرىن اڭدۋمەن اينالىستى"، - دەدى ۇيىم وكىلدەرى.
كۇنى كەشە ءماسىموۆتىڭ سويىلىن سوققان لافاريەردىڭ ۇستىنەن ءىز قوزعالعانى بەلگىلى بولدى.
فرانسيانىڭ قارجى پروكۋراتۋراسى حابارلاعانداي لافاريەر دەپۋتاتتىق مانداتىن اسىرا پايدالانىپ، ءماسىموۆ سەكىلدى ساياسي رەپۋتاسياسى كۇماندى تۇلعالارعا ارا تۇسكەنى ءۇشىن قوماقتى سىياقى العان. دەپۋتاتتىڭ ارەكەتىن ەكولوگيا پارتياسىنداعى ارىپتەستەرى دە ايىپتاعان.
"ءماسىموۆ ماسەلەسى" لافاريەردىڭ ۇستىنەن ءىس قوزعاۋعا تۇرتكى بولعان جالعىز داۋ ەمەس. سونىڭ اياسىندا دەپۋتاتتىڭ وزگە دە كوررۋپيالىق ارەكەتتەرى انىقتالۋدا. لافاريەردىڭ پاريجدەگى كەڭسەسى مەن پاتەرىنە ءتىنتۋ جۇرگىزگەن قارجى پروكۋراتۋراسى ونى جاۋاپقا تارتۋعا نەگىز بولاتىن قاعاز-قۇجاتتى تاركىلەگەن.
ايتا كەتەلىك، بۇعان دەيىن DALA INSIDE تەلەگرام ارناسىندا "ۇقك-نىڭ ەكس-توراعاسى امەريكالىق لوببيست ديەۆيد مەركەلدىڭ كومەگىنە جۇگىندى" دەگەن ماقالا جارىق كورگەن.
"اقوردادا ونىڭ قاڭتارعا قاتىسى بارىن راستايتىن ايعاق جوق. ءماسىموۆ قاۋىپسىزدىك كەڭەسىنىڭ وتىرىسى اياقتالا سالا قاماۋعا الىندى. اش-جالاڭاش كۇيىندە، رەسمي ايىپ تاعىلعانشا اقوردانىڭ جەرتولەسىندە تۇنەدى. اس-سۋدان ايىردى، تابانىنان سىز ءوتتى، ءتيىستى ەم-دوم كورسەتىلمەدى..."، - دەپ دابىل قاققان مەركەل.
ماقالانىڭ تولىق نۇسقاسى وسى تۇستا: https://t.me/dalainside/1155
https://dalanews.kz/del-qazir/93856-songgy-ush-zhylda-qazaqmystagy-zhalaqy-823-p
