ٸشكٸ ٸستەر مينيسترٸ ەرجان سەدەنوۆ ۇلتتىق قاۋٸپسٸزدٸك كوميتەتٸنٸڭ بۇرىنعى تٶراعاسى كەرٸم مەسٸموۆ قازٸر قايدا ەكەنٸن ايتتى, - دەپ حابارلايدى Dalanews.kz.
باق ٶكٸلدەرٸ مەجٸلٸستە مينيسترگە "مەسٸموۆ قايدا جازاسىن ٶتەپ جاتىر? بٸر ٸس-شارادا جٷرگەن سۋرەت بار دەگەن اقپارات تارادى. بۇل اقپارات قانشالىق راس? نەلٸكتەن جازاسىن ٶتەپ جاتقانى تۋرالى بٸردە-بٸر سۋرەت, ۆيدەو جوق?" دەگەن سۇراق قويدى.
"بارلىق سوتتالعان ادامدى كٶرسەتە المايمىز. ول سوتتالعان. تٷزەتۋ مەكەمەسٸندە جازاسىن ٶتەپ جاتىر", - دەپ جاۋاپ بەردٸ مينيستر العاشىندا.
ارتىنشا جۋرناليستەر ۆەدومستۆو باسشىسىنان كولونيياعا كٸرٸپ, مەسٸموۆتەن سۇحبات الۋعا قانشالىق مٷمكٸندٸك بارىن سۇرادى.
"اشىق كٶرسەتسەڭٸزدەر. نەگە كٶرسەتپەيسٸزدەر جاسىرىپ?" - دەدٸ باق ٶكٸلٸ.
"قالاي سۇحبات? ونى نەگە كٶرسەتۋٸمٸز كەرەك? قالاي جاسىرىپ? كولونيياعا كٸرەتٸن رەسٸمٸ بار. دۇرىس قوي? ادام قۇقىعىنا قاتىستى بيۋرو بار", - دەدٸ مينيستر.
ايتا كەتەيٸك, بۇعان دەيٸن ۇلتتىق قاۋٸپسٸزدٸك كوميتەتٸ سىبايلاس جەمقورلىققا قارسى قىزمەتتٸڭ قاۋلىسى نەگٸزٸندە پروكۋراتۋرانىڭ سانكتسيياسىمەن كەرٸم مەسٸموۆ پەن دەۋلەت ەرعوجين قىلمىستىق ٸس بويىنشا استاناداعى ۇلتتىق قاۋٸپسٸزدٸك كوميتەتٸ تەرگەۋ يزولياتورىندا قاماۋدا وتىرعانىن حابارلادى.
سول كەزدە ونىڭ قالعان ورىنباسارلارى, ياعني ەنۋار سادىقۇلوۆ پەن مارات وسيپوۆتٸ ۇستاۋ ورىندارى تۋرالى اقپارات ٸشكٸ ٸستەر مينيسترلٸگٸنٸڭ قۇزىرىندا ەكەنٸ ايتىلدى.
2023 جىلى 24 سەۋٸردە استانانىڭ قىلمىستىق ٸستەر جٶنٸندەگٸ مامانداندىرىلعان اۋدانارالىق سوتى قر ۇلتتىق قاۋٸپسٸزدٸك كوميتەتٸنٸڭ ەكس-تٶراعاسى كەرٸم مەسٸموۆكە, ۇلتتىق قاۋٸپسٸزدٸك كوميتەتٸ تٶراعاسىنىڭ ەكس-ورىنباسارلارى ەنۋار سادىقۇلوۆ, دەۋلەت ەرعوجين, مارات وسيپوۆكە قاتىستى قىلمىستىق ٸس بويىنشا ٷكٸم شىعارعان بولاتىن.
سوت ٸستٸ "اسا قۇپييا" دەگەن بەلگٸمەن قارادى. كەرٸم مەسٸموۆ قر قىلمىستىق كودەكسٸنٸڭ 175-بابىنىڭ 1-بٶلٸگٸ, 179-بابىنىڭ 3-بٶلٸگٸ, 362-بابىنىڭ 4-بٶلٸگٸنٸڭ 3-تارماعى بويىنشا كٸنەلٸ دەپ تانىلىپ, 18 جىل باس بوستاندىعىنان ايىرىلدى. سونىمەن قاتار, مەملەكەتتٸك قىزمەتتە ٶمٸر بويى قىزمەت ەتە المايدى جەنە مٷلكٸ تەركٸلەنەدٸ.
كەرٸم مەسٸموۆ گەنەرال شەنٸ مەن مەملەكەتتٸك ناگرادالارىنان دا ايىرىلدى.
