بريۋسسەلدەگٸ ادام قۇقىن قورعاۋمەن اينالىساتىن تانىمال دەپۋتاتتاردىڭ بٸرقاتارى وسى كٷنگە دەيٸن كەرٸم مەسٸموۆتٸڭ قولتىعىنان دەمەپ, استىرتىن قولداۋ كٶرسەتٸپ كەلگەن.
"مۇرتتىعا" يىعىن توسقان ەۋرودەپۋتاتتىڭ بٸرٸ - پەر انتونيو پانتسەري (سۋرەتتە) "كاتارگەيت" داۋىنا ٸلٸگٸپ, ٸستٸ بولىپ جاتىر.
پانتسەري جەتەكشٸلٸك ەتەتٸن "Fight Impunity" ٷكٸمەتتٸك ەمەس ۇيىمىنىڭ جاڭا قازاقستاندى جامانداۋدان اۋزى بوساماي كەلگەن ەدٸ. اقوردانىڭ دەمقۇندىلىقتاردى اياققا تاپتاعانىن ايتىپ, توقاەۆتىڭ رەپۋتاتسيياسىنا كٸرلەتۋدٸ كٶزدەگەن وسىناۋ ۇيىم "مەسٸموۆكە بوستاندىق" اكتسيياسىن ۇيىمداستىرۋعا ۇيىتقى بولعان ەدٸ.
پانتسەري "اباقتىدا ازاپ شەگٸپ جاتقان مەسٸموۆتٸڭ" مەسەلەسٸن ەۋروپارلامەنتكە جەتكٸزٸپ, باتىستىڭ ساياسي ينستيتۋتتارى مەن قوعام نازارىن قازاقستانعا بۇرۋعا ەرەكەت ەتكەن.
سٶيتە تٷرا باتىستاعى "مەسٸموۆشٸلەر" لوببيٸ 18 جىلعا سوتتالىپ كەتە بارعان ۇقك-نىڭ ەكس-تٶراعاسىنا اراشا تٷسە المادى.
"كاتارگەيت" داۋىنىڭ "باس كەيٸپكەرٸ" دەپ تانىلعان پانتسەري سەۋٸردٸڭ باسىنان بەرٸ مىرزا قاماقتا وتىر. دەپۋتاتتىڭ جەرتٶلەسٸنەن تابىلعان 600 ەۋرو مىڭ ەۋروپارلامەنتتەگٸ ساياسي سكاندالعا سەبەپ بولدى. ونىمەن اففيرلەنگەن "Fight Impunity" ۇيىمىنىڭ باسىنا بۇلت ٷيٸرٸلٸپ, بريۋسسەلدٸڭ قىرىن قاباعىنا ٸلٸككەن جايى بار. ەلبەتتە, مەسٸموۆتىڭ جاقتاستارىنىڭ تٸزٸمٸ پانتسەريمەن شەكتەلمەيدٸ.
"مۇرتتىعا" بوستاندىق بەرۋدٸ تالاپ ەتٸپ, جەر تەپكٸلەگەندەردٸڭ اراسىندا بەلگييا سوتسيال پارتيياسىنىڭ بەلسەندٸسٸ ماري ارەنانىڭ (سۋرەتتە) اتى اتالادى.
پانتسەريدٸڭ سىبايلاسى سانالاتىن ارەنا بىلتىرعى جىلدىڭ قاراشا ايىندا "مەسٸموۆكە كەڭشٸلٸك جاساۋدى سۇراپ" قازاقستاننىڭ بەلگيياداعى ەلشٸلٸگٸنە ٷشبۋ حات جولداعان. ارەنا وسى كٷنگە دەيٸن ەۋروپارلامەنتتٸڭ ادام قۇقى جٶنٸندەگٸ بٶلٸمشەسٸن باسقارىپ كەلدٸ.
بۇعان ەسكٸ دە جاڭا قازاقستاننىڭ ەجەلگٸ دۇشپانى ەبليازوۆتىڭ قانداي قاتىسى بار?
بەلگييانىڭ L-Post باسىلىمى "كاتارگەيت" ٸسٸندەگٸ باستى كٷدٸكتٸ پانتسەريدٸڭ اتىشۋلى وليگارحپەن اۋىز جالاسقانىنا ايعاق تاپقان. بوسقىن مەرتەبەسٸنەن ايىرىلعان ەبليازوۆ ەۋرودەپۋتاتتىڭ اۋزىن مايلاعان بولسا كەرەك.
"2019 جىلدىڭ اقپان ايىندا مۇحتاردىڭ ادۆوكاتى ەرٸ سەنٸمدٸ سەرٸگٸ بوتاگٶز جەردەمەلٸ پانتسەري باستاماشى بولعان ەۋروپارلامەنتتٸڭ باسقوسۋىنا قاتىسقان. پەر انتونيو ول تۇستارى ادام قۇقىن قورعاۋ جٶنٸندەگٸ بٶلٸمشەنٸ باسقاردى", - دەپ جازادى L-Post.
ەۋرودەپۋتاتتىڭ ەبليازوۆ پەن مەسٸموۆكە قانشالىقتى جاناشىر ەكەنٸ بٸر قۇدايعا ايان, بٸزدٸڭشە, ول بۇل قىزمەتٸ ٷشٸن قوماقتى قالاماقى العان. "كاتارگەيت" داۋى پانتسەريدٸڭ پارادان باس تارتا المايتىنىن, بۇل تۇرعىداعى يممۋنيتەتٸ ەلسٸز ەكەنٸن ايعاقتاعانداي.
"كاتارگەيت" داۋىنىڭ نازارباەۆ دەۋٸرٸندەگٸ "قازاقگەيت" جانجالىنان ايىرماشىلىعى شامالى. باتىستىڭ ساياساتىنا ىقپال ەتۋدٸ كٶزدەگەن كاتار بيلٸگٸ يكەمگە كەلەدٸ-اۋ دەگەن ساياساتكەرلەردٸ ساتىپ العان.
پانتسەري باستاعان بٸرنەشە دەپۋتات ارابتاردان پارا العانىن كٶپكە ۇزاماي مويىندادى. اباقتىدا ۇزاق ايالداعاندى قالامايتىن بٸزدٸڭ كەيٸپكەر "كاتارگەيتكە" قاتىستى اقپاراتتى تٷگەلدەي قوتارىپ ايتۋعا ۋەدە بەرگەن. پانتسەري ەبليازوۆ پەن مەسٸموۆتٸ اينالىپ ٶتپەس دەپ ويلايمىز.
⬇️
بۇعان دەيٸن DALA INSIDE تەلەگرام ارناسى ەبليازوۆتىڭ توقاەۆقا تىنىشتىق بەرمەي وتىرعانىن جازعان.
تولىعىراق: https://t.me/dalainside/1295
