Brússeldegi adam quqyn qorǵaýmen aınalysatyn tanymal depýtattardyń birqatary osy kúnge deıin Kárim Másimovtiń qoltyǵynan demep, astyrtyn qoldaý kórsetip kelgen.
"Murttyǵa" ıyǵyn tosqan eýrodepýtattyń biri - Per Antonıo Panserı (sýrette) "Katargeıt" daýyna iligip, isti bolyp jatyr.
Panserı jetekshilik etetin "Fight Impunity" úkimettik emes uıymynyń Jańa Qazaqstandy jamandaýdan aýzy bosamaı kelgen edi. Aqordanyń demqundylyqtardy aıaqqa taptaǵanyn aıtyp, Toqaevtyń repýtasıasyna kirletýdi kózdegen osynaý uıym "Másimovke bostandyq" aksıasyn uıymdastyrýǵa uıytqy bolǵan edi.
Panserı "abaqtyda azap shegip jatqan Másimovtiń" máselesin Eýroparlamentke jetkizip, Batystyń saıası ınstıtýttary men qoǵam nazaryn Qazaqstanǵa burýǵa áreket etken.
Sóıte túra Batystaǵy "másimovshiler" lobbıi 18 jylǵa sottalyp kete barǵan UQK-nyń eks-tóraǵasyna arasha túse almady.
"Katargeıt" daýynyń "bas keıipkeri" dep tanylǵan Panserı sáýirdiń basynan beri myrza qamaqta otyr. Depýtattyń jertólesinen tabylǵan 600 eýro myń Eýroparlamenttegi saıası skandalǵa sebep boldy. Onymen affırlengen "Fight Impunity" uıymynyń basyna bult úıirilip, Brússeldiń qyryn qabaǵyna ilikken jaıy bar. Álbette, Másimovtyń jaqtastarynyń tizimi Panserımen shektelmeıdi.
"Murttyǵa" bostandyq berýdi talap etip, jer tepkilegenderdiń arasynda Belgıa sosıal partıasynyń belsendisi Marı Arenanyń (sýrette) aty atalady.
Panserıdiń sybaılasy sanalatyn Arena byltyrǵy jyldyń qarasha aıynda "Másimovke keńshilik jasaýdy surap" Qazaqstannyń Belgıadaǵy elshiligine úshbý hat joldaǵan. Arena osy kúnge deıin Eýroparlamenttiń Adam quqy jónindegi bólimshesin basqaryp keldi.
Buǵan eski de jańa Qazaqstannyń ejelgi dushpany Áblázovtyń qandaı qatysy bar?
Belgıanyń L-Post basylymy "Katargeıt" isindegi basty kúdikti Panserıdiń atyshýly olıgarhpen aýyz jalasqanyna aıǵaq tapqan. Bosqyn mártebesinen aıyrylǵan Áblázov eýrodepýtattyń aýzyn maılaǵan bolsa kerek.
"2019 jyldyń aqpan aıynda Muhtardyń advokaty ári senimdi serigi Botagóz Járdemáli Panserı bastamashy bolǵan Eýroparlamenttiń basqosýyna qatysqan. Per Antonıo ol tustary Adam quqyn qorǵaý jónindegi bólimsheni basqardy", - dep jazady L-Post.
Eýrodepýtattyń Áblázov pen Másimovke qanshalyqty janashyr ekeni bir qudaıǵa aıan, bizdińshe, ol bul qyzmeti úshin qomaqty qalamaqy alǵan. "Katargeıt" daýy Panserıdiń paradan bas tarta almaıtynyn, bul turǵydaǵy ımýnıteti álsiz ekenin aıǵaqtaǵandaı.
"Katargeıt" daýynyń Nazarbaev dáýirindegi "Qazaqgeıt" janjalynan aıyrmashylyǵy shamaly. Batystyń saıasatyna yqpal etýdi kózdegen Katar bıligi ıkemge keledi-aý degen saıasatkerlerdi satyp alǵan.
Panserı bastaǵan birneshe depýtat arabtardan para alǵanyn kópke uzamaı moıyndady. Abaqtyda uzaq aıaldaǵandy qalamaıtyn bizdiń keıipker "Katargeıtke" qatysty aqparatty túgeldeı qotaryp aıtýǵa ýáde bergen. Panserı Áblázov pen Másimovti aınalyp ótpes dep oılaımyz.
⬇️
Buǵan deıin DALA INSIDE telegram arnasy Áblázovtyń Toqaevqa tynyshtyq bermeı otyrǵanyn jazǵan.
Tolyǵyraq: https://t.me/dalainside/1295
