قازاقستاندىق وپەرا ەنشٸسٸ مارييا مۋدرياك قىتايدا ۆ. موتسارتتىڭ «فيگارونىڭ ٷيلەنۋٸ» وپەراسىنداعى گرافينيا الماۆيۆا پارتيياسىن العاش رەت ورىندايدى.
قويىلىمدار 15, 17 جەنە 19 شٸلدە كٷندەرٸ بەيجٸڭدەگٸ ۇلتتىق ورىنداۋشىلىق ٶنەر ورتالىعىندا ٶتەدٸ.
ال 8–10 تامىز ارالىعىندا ەنشٸ سيان قالاسىنداعى Grand Opera House ساحناسىندا ٶنەر كٶرسەتەدٸ.
بۇل – مارييا مۋدرياكتىڭ قىتايعا بەسٸنشٸ گاسترولدٸك ساپارى. بۇعان دەيٸن وسى وپەرادا سيۋزاننانىڭ پارتيياسىن ورىنداعان ەنشٸ بيىل العاش رەت گرافينيا الماۆيۆانىڭ رٶلٸن سومدايدى. بۇل كەيٸپكەردٸڭ تەرەڭ ەرٸ قاراما-قايشى سەزٸمدەرٸ تۋىندىعا ەرەكشە درامالىق ەسەر مەن ەموتسييالىق تەرەڭدٸك بەرەدٸ.
ايتا كەتەيٸك, مارييا مۋدرياك قازاقستاندا دٷنيەگە كەلگەن. ول بالا كەزٸنەن-اق ەن ايتۋعا قىزىعىپ, 10 جاسىنان باستاپ يتالييادا ۆوكالدان دەرٸس العان. سول جەردە لا سكالا تەاترىنىڭ بالالار حورىندا شىعارماشىلىق جولىن باستاپ, كەيٸن ميلانداعى دج. ۆەردي اتىنداعى كونسەرۆاتورييانى تەمامدادى. قازٸر ول ەلەمنٸڭ جەتەكشٸ وپەرا ساحنالارىندا ٶنەر كٶرسەتٸپ جٷر جەنە ەلەمدەگٸ ەڭ ٷزدٸك ون سوپرانونىڭ بٸرٸ سانالادى.
ەنشٸنٸڭ قىتايعا ساپارى — ونىڭ حالىقارالىق مانسابىنداعى تاعى بٸر ماڭىزدى قادام. بۇل گاترولدٸك ساپاردا قىتايلىق كٶرەرمەن ٶنەرپازدىڭ قايتالانباس زور داۋىسى مەن اكتەرلٸك شەبەرلٸگٸن تاماشالاي الادى.
