قازاقستاندىق ۋلترامارافونشى، سۋرەتشى، وپپوزيسيونەر، جۇگىرۋدەن حالىقارالىق دارەجەدەگى سپورت شەبەرى مارات جىلانبايەۆتىڭ تۇرمەدەن جازعان حاتى جاريا بولدى، دەپ حابارلايدى Dalanews.kz.
قۇقىق قورعاۋشى باقىتجان تورەعوجينا الەۋمەتتىك جەلىدە ءقازىر تۇرمەدە اشتىق جاريالاپ جاتقان مارافونشى مارات جىلانبايەۆتىڭ حاتىن جاريالادى. حات اقمولا وبلىستىق پروكۋرورىنا جولدانعان. وندا جىلانبايەۆ “اشتىقتى ەمدىك ماقساتتا جاريالاپ وتىر” دەگەن اقپاراتتى جوققا شىعارىپ، “بۇل بارىپ تۇرعان جالعاندىق” دەپ مالىمدەيدى.
– 18 قاڭتاردا اۋزىمدى سكرەپكامەن تىكتىم. سول جىلى 5 اي بويى – 151 كۇن اشتىقتا بولدىم. بۇل مەنىڭ التىنشى اشتىق جاريالاۋىم. ءقازىر مۇندا ماعان شىعارماشىلىقپەن اينالىسۋعا دا، ستاديوندا جۇگىرۋگە دە مۇمكىندىك بەرمەي وتىر. بارلىق جۇمىس قۇرالدارىمدى تارتىپ الدى. 5 ءساۋىر كۇنى جۋىنۋعا كەتكەنىمدە تارتىپتىك يزولياتوردا قاعازدارىم جوعالىپ كەتكەن.18 اقپاندا قاقپاننان 29-تىشقاندى ۇستادىم. مەنىڭ اشتىعىم – بۇل مەنى زاڭسىز قاماۋعا العان جۇيەگە قارسىلىعىم. حالىقارالىق قۇقىق قورعاۋ ۇيىمدارى مەنى ساياسي تۇتقىن دەپ تانىدى، – دەلىنگەن حاتتا.
حات 7 ساۋىردە جازىلعانىمەن، ونى قۇقىق قورعاۋشى 15 ءساۋىر كۇنى جاريالاعان.
ايتا كەتەيىك، 26 ناۋرىزدا مارات جىلانبايەۆ سوت ۇكىمىنە جانە تۇرمەدە وزىنە جاسالعان قىسىمعا بايلانىستى اشتىق جاريالاعان بولاتىن. ادۆوكاتىنىڭ ايتۋىنشا، 5 ساۋىردە ول مەكەمە اكىمشىلىگىنىڭ ارەكەتىنە نارازىلىق رەتىندە اۋزىن تىگىپ، پروكۋرور كەلگەن سوڭ بىرنەشە ساعاتتان كەيىن تىككەن جەرىن شەشىپ تاستاعان. بۇعان دەيىن اقمولا وبلىسى قاجد جىلانبايەۆتىڭ سوت شەشىمىمەن كەلىسپەۋىنە بايلانىستى اشتىق تۋرالى ءوتىنىش بەرگەنىن ايتقانىمەن، ونىڭ ناقتى اشتىق جاريالاعانىن راستاعان جوق.
