قۇقىق قورعاۋشى, «ار.رۋح.حاق» قوعامدىق قورىنىڭ باسشىسى باقىتجان تٶرەعوجينا مارافونشى مارات جىلانباەۆتىڭ يزولياتوردا تٷسٸرٸلگەن ۆيدەوسىن جارييالاپ, ونىڭ دەنساۋلىعىنا الاڭداپ وتىرعانىن ايتتى, دەپ حابارلايدى Dalanews.kz.
ۆيدەونى ول ٶزٸنە قاتىستى ەكٸمشٸلٸك ٸس اياسىندا پوليتسييادان العان.
تٶرەعوجينا ۆيدەونى كٶرگەن سوڭ, جىلانباەۆتىڭ جاعدايىنىڭ تىم اۋىر ەكەنٸن مەلٸمدەدٸ.
«ماراتتىڭ جٷزٸنە قاراڭىزدارشى! ارىقتاعانى سونشالىق – تەك جاق سٷيەگٸ عانا كٶرٸنٸپ تۇر! بيلٸكتٸڭ ونىڭ بەتٸن نەگە كٶرسەتپەي وتىرعانى تٷسٸنٸكتٸ!» – دەپ جازدى تٶرەعوجينا.
ۆيدەودا مارافونشى تاڭعى جاتتىعۋ جاساپ جاتقانىمەن, قۇقىق قورعاۋشى ونىڭ دەنەسٸ ەبدەن ەلسٸرەگەنٸن بايقاپ وتىر.
«مارات تۇرىپ جاتتىعۋ جاساعانىمەن, تەڭسەلٸپ كەتەدٸ. تەرٸسٸ مەن سٷيەگٸ عانا قالدى دەۋگە بولادى. بۇل – ونىڭ اشتىقتان قاتتى ەلسٸرەگەنٸنٸڭ ايعاعى», – دەيدٸ تٶرەعوجينا.
سونداي-اق قۇقىق قورعاۋشى جىلانباەۆتىڭ جاتتىعۋ جاساپ جاتقانىنا قاراپ, ونىڭ دەنساۋلىعى جاقسى دەۋگە بولمايتىنىن اتاپ ٶتتٸ.
«مارات – كەسٸبي سپورتشى. بٷگٸن ونىڭ اشتىق جارييالاعانىنا 56 كٷن بولدى. جاتتىعۋ جاساپ جاتقانى – جاعدايىنىڭ جاقسى ەكەنٸن بٸلدٸرمەيدٸ. كٶپتەگەن سپورتشى, تٸپتٸ ارباعا تاڭىلعان كٷننٸڭ ٶزٸندە دە جاتتىعۋ جاساۋدى جالعاستىرا بەرەدٸ», – دەپ جازدى قۇقىق قورعاۋشى.
