قازاقستان رەسپۋبليكاسىنىڭ اقپارات جەنە قوعامدىق كەلٸسٸم مينيسترلٸگٸ ەزٸرلەپ, E-gov سايتىندا جارييالانعان «ماسس-مەديا تۋرالى» زاڭىنىڭ جوباسىمەن تانىسىپ شىقتىق. بۇرىن اۋىزشا باسپاسٶز تۋرالى زاڭ دەپ ايتا بەرۋشٸ ەدٸك, بۇل جوبا «ماسس-مەديا تۋرالى» دەپ اتالىپتى. جوبا ٷستٸمٸزدەگٸ جىلعى 2-اقپاندا ۇسىنىلىپتى دا تالقىلاۋ 16-ناۋرىزعا دەيٸن جالعاسادى ەكەن.
70 باپتان تۇراتىن جوبا ۇزاقتاۋ كٶرٸنگەن. سٶيتسەك بۇل جوبا ٸس جٷزٸندە قازاقستان رەسپۋبليكاسىنىڭ «بۇقارالىق اقپارات قۇرالدارى تۋرالى» جەنە «تەلەراديو حابارلارىن تاراتۋ تۋرالى» ەكٸ زاڭدى بٸر اتاۋمەن بٸرٸكتٸرٸپ وتىرعانى بايقالادى.
جوبانىڭ باستى ارتىقشىلىعى مۇندا جۋرناليستٸڭ قۇقىقتارى مەن مٸندەتتەرٸ بارىنشا ناقتىلانىپ, جۋرناليست مەرتەبەسٸ تۇڭعىش رەت بەلگٸلەنٸلٸپتٸ. وتىز جىلدان بەرٸ ايتىپ جٷرگەن مەسەلەمٸز. ول ٷشٸن جۋرناليستەردٸ باسقا جازعىشتاردان اجىراتاتىن «پرەسس كارتا» ەنگٸزٸلۋٸ دە مەن ٷشٸن قۇپتارلىق قادام. باسپاسٶز كارتاسى جۋرناليستٸك جوعارى بٸلٸمٸ بار, باق-تا كەمٸندە ٷش جىل, ديپلومى جوقتارعا كەمٸندە بەس جىل تەجٸريبەسٸ بار ازاماتتارعا بەرٸلەدٸ. بۇل ەرٸ قاراي جۋرناليست مەرتەبەسٸن يەلەنگەندەردٸڭ ەلەۋمەتتٸك جاعدايلارىن شەشۋگە دە ىقپال ەتسە جاقسى بولار ەدٸ.
ەرينە, مۇنداي قاعيدالار بلوگەرلەرگە, ينتەرنەت رەسۋرستاردا جۇمىس ٸستەيتٸندەرگە جاقپاۋى مٷمكٸن. مەنٸڭشە ولارعا ارنالعان باسقا زاڭ جوباسى ەزٸرلەنگەنٸ دۇرىس بولار ەدٸ.
جوبادا تاعى بٸر اتاپ ٶتەتٸن نەرسە مەملەكەتتٸك تٸلگە قاتىستى تالاپتاردىڭ كٷشەيتٸلۋٸ. ەڭ الدىمەن مەملەكەتتٸك تٸلٸمٸزدەگٸ تەلە-راديو باعدارلامالارىنىڭ كٶلەمٸ باسقا تٸلدەردەگٸ تەلە-, راديوباعدارلامالاردىڭ جيىنتىق كٶلەمiنەن كەم بولماۋعا تيiس ەكەندٸگٸ كٶرسەتٸلگەن. سۋبتيتر پايدالانىلاتىن تەلەباعدارلامالار مەن فيلمدەردٸڭ اۋدارماسى مەملەكەتتٸك تٸلدەگٸ تەلەباعدارلامالاردىڭ جالپى كٶلەمٸنە كٸرمەيتٸندٸگٸ دە تٸلگە قاتىستى تالاپتاردى كٷشەيتە تٷسكەن.
ٶز باسىما زاڭ جوباسىنىڭ 24 بابىنداعى شەتەلدٸك تەلە-, راديوارنانىڭ ماتەريالدارى قازاقستان رەسپۋبليكاسىنىڭ كونستيتۋتسييالىق قۇرىلىسىن كٷشتەپ ٶزگەرتۋدi, تۇتاستىعىن بۇزۋدى, مەملەكەت قاۋiپسiزدiگiنە نۇقسان كەلتiرۋدi, سوعىستى, ەكسترەميزمدi نەمەسە تەرروريزمدٸ, قاتىگەزدiك پەن زورلىق-زومبىلىقتى ناسيحاتتايتىن بولسا ونداي شەتەلدٸك بۇقارالىق قۇرالدارىن ەسەپكە قويۋدان باس تارتىلاتىنى ۇنادى. ياعني سوعىستى ناسيحاتتايتىندار, Z بەلگٸسٸنە قۇمار تەلەارنالار قازاقستان اۋماعىندا تايراڭداي المايدى دەگەن سٶز. سونداي-اق دىبىستىق سٷيەمەلدەۋدٸڭ كٶپ ارنالى بەرٸلۋٸن پايدالاناتىن تەلەارنالار نەگٸزگٸ دىبىستىق سٷيەمەلدەۋدٸ مەملەكەتتٸك تٸلدە پايدالانۋعا تيٸس ەكەندٸگٸ دە مٸندەتتەلگەن.
قوسىمشا ايتارىم, ۋەكٸلەتتٸ ورگاننىڭ باقىلاۋ-قاداعالاۋ قىزمەتٸن دەموكراتييالىق تالاپتار ەسكەرٸلە وتىرىپ جاسالعانى دۇرىس پا دەيمٸن. وسى تۇرعىدان العاندا بۇقارالىق اقپارات قۇرالدارى قىزمەتٸنٸڭ مەسەلەلەرٸ جٶنٸندەگٸ رەسپۋبليكالىق جەنە ٶڭٸرلٸك قوعامدىق-كەسٸپتٸك كەڭەستەر قۇرۋ (41 باپ) قاجەتٸ بار ما دەگەن وي كەلەدٸ. ەرينە, جوبانىڭ ۇساق-تٷيەك كەمشٸن تۇستارى بولۋى ىقتيمال. جالپى العاندا بۇل جوبا الداعى ۋاقىتتا ماسس-مەديا سالاسىنىڭ جەمٸستٸ جۇمىس ٸستەۋٸنە ەبدەن جاراپ تۇر. سوندىقتان قالامداس ەرٸپتەستەر, جوباعا قولداۋ كٶرسەتەيٸك!
