ماقتارالدىق ديقاندار 26 مىڭ گەكتارعا باقشا داقىلدارىن ەگۋدە
جالپى كٶكتەمگٸ ەگٸستٸك ناۋقانى اياقتالعانعا دەيٸن ديقاندار 26 مىڭ گەكتار جەرگە باقشا داقىلدارىن ەگۋدٸ جوسپارلاپ وتىر. جىلدا كٶكتەمگٸ ەگٸسكە ەرتە باستان قامداناتىن ماقتارالدىق شارۋالار دەستٷر بويىنشا كٶكتەمگٸ ەگٸس جۇمىستارىن قىزۋ قارقىنمەن جٷرگٸزۋدە.
بۇدان باسقا اۋداندا 997,1 گەكتارعا جاڭا جوڭىشقا, 931 گەكتارعا ەرتە پٸسەتٸن كٶكٶنٸس, 855,5 گەكتار جەرگە قىرىققابات داقىلى ەگٸلدٸ. ٷلبٸر استىنا ەگٸلگەن باقشا داقىلىن ەرتەرەك ٶسٸرٸپ, ودان مول ٶنٸم الۋدى ماقسات ەتكەن ديقاندار اگروتەحنيكا تالاپتارىن مۇقييات ساقتاۋعا كٷش سالۋدا. ال ىلعال جابۋ جۇمىستارى تيياناقتى اتقارىلىپ, قاجەتتٸ تەحنيكا, قۇرال-سايماندارمەن تولىق قامتاماسىز ەتٸلگەن.
ەگٸستٸك القاپتاردى دايىنداۋ جۇمىستارى ش.دٸلدەبەكوۆ, قىزىلقۇم اۋىلدىق وكرۋگتەرٸندە جوعارى قارقىنمەن جٷرگٸزٸلسە, دوستىق, ش.دٸلدەبەكوۆ اۋىلدىق وكرۋگتەرٸنٸڭ ديقاندارى جاڭا جوڭىشقا, قاربىز ەگۋدە الدا كەلەدٸ. ەرتە كٶكٶنٸس ٶسٸرۋدە, ونىڭ ٸشٸندە قىرىققابات ەگۋ بويىنشا اتامەكەن, ماقتاارال اۋىلدىق وكرۋگتەرٸنٸڭ ديقاندارى كٶش باستاۋدا.
كٶكتەمگٸ ەگٸستٸك جۇمىستارىن جٷرگٸزۋ بويىنشا ەربٸر اۋىل وكرۋگتەرٸندە جۇمىسشى بريگادالار قۇرىلىپ, ولار ديقاندارمەن كەلٸسٸپ, جالدامالى نەگٸزدە جۇمىس ٸستەپ كەلەدٸ. ەڭبەكاقىسى ٶزارا كەلٸسٸم بويىنشا, ناقتى قولما-قول تٶلەنۋدە.
كٷننٸڭ كٷرت جىلۋىنا بايلانىستى سورى شايىلعان القاپتار دەگدٸپ, تىرمالاۋ, ىلعال جابۋ جۇمىستارى ماقتالى ٶلكەدە وسىلايشا قىزۋ قارقىن الدى. نەگٸزگٸ داقىلى «اق التىن» بولىپ سانالاتىن ماقتارالدىق شارۋالار جەرگە ماقتا شيتٸن سەبۋگە دە دايىندىقتارىن جاساۋدا. تۇقىمدىق شيت جەتٸسپەۋشٸلٸگٸ مەسەلەسٸن بولدىرماۋ ماقساتىندا اۋدان ەكٸمدٸگٸنٸڭ باستاماسىمەن قۇرىلعان جۇمىسشى توپ 3000 تونناعا جۋىق تۇقىمدىق شيتتٸ دايىنداعان جەنە بۇل كٶكتەمگٸ ەگٸس ماۋسىمىن تولىقتاي قامتاماسىز ەتەدٸ دەپ كٷتٸلۋدە.
ايتا كەتەيٸك, اۋداندا سۋبسيدييالاناتىن مينەرالدى تىڭايتقىشتاردى الۋ ٷشٸن وسى جىلدىڭ 1 ناۋرىزىنان باستاپ egov.kz پورتالى ارقىلى ديقانداردان ەلەكتروندىق تسيفرلىق قولتاڭباسىمەن ٶتٸنٸمدەر قابىلدانىپ جاتىر. تىڭايتقىشتاردى سۋبسيدييالاۋ مەسەلەسٸنە اۋىل ەكٸمدەرٸ ٷلكەن جاۋاپكەرشٸلٸكپەن قاراپ, ٶتٸنٸم تاپسىرۋدى جەدەلدەتۋدە.
وقو ەكٸمٸنٸڭ باسپاسٶز قىزمەتٸ
https://dalanews.kz/34361
