Maqtaraldyq diqandar 26 myń gektarǵa baqsha daqyldaryn egýde
Jalpy kóktemgi egistik naýqany aiaqtalǵanǵa deiin diqandar 26 myń gektar jerge baqsha daqyldaryn egýdi josparlap otyr. Jylda kóktemgi egiske erte bastan qamdanatyn maqtaraldyq sharýalar dástúr boiynsha kóktemgi egis jumystaryn qyzý qarqynmen júrgizýde.
Budan basqa aýdanda 997,1 gektarǵa jańa jońyshqa, 931 gektarǵa erte pisetin kókónis, 855,5 gektar jerge qyryqqabat daqyly egildi. Úlbir astyna egilgen baqsha daqylyn erterek ósirip, odan mol ónim alýdy maqsat etken diqandar agrotehnika talaptaryn muqiiat saqtaýǵa kúsh salýda. Al ylǵal jabý jumystary tiianaqty atqarylyp, qajetti tehnika, qural-saimandarmen tolyq qamtamasyz etilgen.
Egistik alqaptardy daiyndaý jumystary Sh.Dildábekov, Qyzylqum aýyldyq okrýgterinde joǵary qarqynmen júrgizilse, Dostyq, Sh.Dildábekov aýyldyq okrýgteriniń diqandary jańa jońyshqa, qarbyz egýde alda keledi. Erte kókónis ósirýde, onyń ishinde qyryqqabat egý boiynsha Atameken, Maqtaaral aýyldyq okrýgteriniń diqandary kósh bastaýda.
Kóktemgi egistik jumystaryn júrgizý boiynsha árbir aýyl okrýgterinde jumysshy brigadalar qurylyp, olar diqandarmen kelisip, jaldamaly negizde jumys istep keledi. Eńbekaqysy ózara kelisim boiynsha, naqty qolma-qol tólenýde.
Kúnniń kúrt jylýyna bailanysty sory shaiylǵan alqaptar degdip, tyrmalaý, ylǵal jabý jumystary maqtaly ólkede osylaisha qyzý qarqyn aldy. Negizgi daqyly «aq altyn» bolyp sanalatyn maqtaraldyq sharýalar jerge maqta shitin sebýge de daiyndyqtaryn jasaýda. Tuqymdyq shit jetispeýshiligi máselesin boldyrmaý maqsatynda aýdan ákimdiginiń bastamasymen qurylǵan jumysshy top 3000 tonnaǵa jýyq tuqymdyq shitti daiyndaǵan jáne bul kóktemgi egis maýsymyn tolyqtai qamtamasyz etedi dep kútilýde.
Aita keteiik, aýdanda sýbsidiialanatyn mineraldy tyńaitqyshtardy alý úshin osy jyldyń 1 naýryzynan bastap egov.kz portaly arqyly diqandardan elektrondyq tsifrlyq qoltańbasymen ótinimder qabyldanyp jatyr. Tyńaitqyshtardy sýbsidiialaý máselesine aýyl ákimderi úlken jaýapkershilikpen qarap, ótinim tapsyrýdy jedeldetýde.
OQO ákiminiń baspasóz qyzmeti
https://dalanews.kz/34361
