– كيەلٸ ماقتارال اۋدانىنىڭ اتىن اسقاقتاتىپ, "مەرەيلٸ وتباسى-2018" بايقاۋىنىڭ وبلىستىڭ كەزەڭٸندە توپ جارىپ شىققانىڭىز ٷشٸن سٸزدٸ جەنە وتباسىڭىزدى ارنايى قۇتتىقتايمىن. الدا ٶتەتٸن بايقاۋدىڭ رەسپۋبليكالىق كەزەڭٸنەن دە جٷلدەمەن ورالۋىڭىزدى تٸلەيمٸن! – دەدٸ جامانتاي قانايۇلى.
ايتا كەتەيٸك, "مەرەيلٸ وتباسى – 2018" ۇلتتىق بايقاۋىنىڭ وبلىستىق كەزەڭٸنٸڭ جەڭٸمپازدارىن شەمشٸ قالداياقوۆ اتىنداعى وبلىستىق فيلارمونييادا وبلىس ەكٸمٸنٸڭ ورىنباسارى ەربول سادىر سالتاناتتى تٷردە ماراپاتتاپ, وبلىس ەكٸمٸنٸڭ ديپلومى مەن قارجىلاي سىيلىعىن تابىس ەتتٸ.
ٷش كەزەڭنەن تۇراتىن (اۋداندىق, وبلىستىق, رەسپۋبليكالىق) بايقاۋدىڭ وبلىستىق كەزەڭٸنەن اۋدان, قالادان 38 جانۇيا ۇسىنىلىپ, ونىڭ ٸشٸندە 30 وتباسى ٷزدٸك دەپ تانىلدى. ال وسىلاردىڭ اراسىنان قازىعۇرت اۋدانىنان كەلگەن مۇحتار مومىنوۆ پەن ماقتاارالدىق ساپارالى سەرٸكباەۆتاردىڭ جانۇيالارى مەرەيلٸ وتباسى اتانىپ, 1 ميلليون تەڭگەدەن قارجىلاي سىيلىققا يە بولدى. وسىلايشا, وڭتٷستٸكقازاقستاندىق ەكٸ وتباسى قىركٷيەك ايىندا استانا قالاسىندا ٶتەتٸن رەسپۋبليكالىق بايقاۋعا جولداما الدى.
ەلباسى جارلىعىمەن باستاۋ العان "مەرەيلٸ وتباسى" ۇلتتىق كونكۋرسىنىڭ ماقساتى – بٸر شاڭىراق استىندا بەرەكەلٸ ٶمٸر سٷرۋدٸڭ ماڭىزدىلىعىن ارتتىرۋ, وتباسىلىق ٶمٸر سالتى, اتا-انالىق پارىز, جاۋاپكەرشٸلٸك سەكٸلدٸ ۇعىمداردى ەل ساناسىنا سٸڭٸرۋ, ەسٸرەسە جاستارعا جەتكٸزۋ, جاراسىمدى جانۇيا قۇندىلىعىن كەڭٸنەن ناسيحاتتاۋ بولىپ تابىلادى.
ماقتارال اۋدانى ەكٸمٸنٸڭ باسپاسٶز قىزمەتٸ
