– Kieli Maqtaral aýdanynyń atyn asqaqtatyp, "Mereili otbasy-2018" baiqaýynyń oblystyń kezeńinde top jaryp shyqqanyńyz úshin Sizdi jáne otbasyńyzdy arnaiy quttyqtaimyn. Alda ótetin baiqaýdyń respýblikalyq kezeńinen de júldemen oralýyńyzdy tileimin! – dedi Jamantai Qanaiuly.
Aita keteiik, "Mereili otbasy – 2018" ulttyq baiqaýynyń oblystyq kezeńiniń jeńimpazdaryn Shámshi Qaldaiaqov atyndaǵy oblystyq filarmoniiada oblys ákiminiń orynbasary Erbol Sadyr saltanatty túrde marapattap, oblys ákiminiń diplomy men qarjylai syilyǵyn tabys etti.
Úsh kezeńnen turatyn (aýdandyq, oblystyq, respýblikalyq) baiqaýdyń oblystyq kezeńinen aýdan, qaladan 38 januia usynylyp, onyń ishinde 30 otbasy úzdik dep tanyldy. Al osylardyń arasynan Qazyǵurt aýdanynan kelgen Muhtar Momynov pen maqtaaraldyq Saparaly Serikbaevtardyń januialary mereili otbasy atanyp, 1 million teńgeden qarjylai syilyqqa ie boldy. Osylaisha, ońtústikqazaqstandyq eki otbasy qyrkúiek aiynda Astana qalasynda ótetin respýblikalyq baiqaýǵa joldama aldy.
Elbasy jarlyǵymen bastaý alǵan "Mereili otbasy" ulttyq konkýrsynyń maqsaty – bir shańyraq astynda berekeli ómir súrýdiń mańyzdylyǵyn arttyrý, otbasylyq ómir salty, ata-analyq paryz, jaýapkershilik sekildi uǵymdardy el sanasyna sińirý, ásirese jastarǵa jetkizý, jarasymdy januia qundylyǵyn keńinen nasihattaý bolyp tabylady.
Maqtaral aýdany ákiminiń baspasóz qyzmeti
