سەبەبى ءار ەل ءوز تاريحىمەن ماڭگى. ەلباسى ايتقانداي كەڭىستىك پەن ۋاقىتتىڭ ءتۇيىسۋى ۇلت تاريحىنىڭ باستالۋى. ءبىز سوناۋ ساقتارمەن، عۇنداردىڭ ودان ارعى بابالارىمىزدىڭ ءىزىن جالعاستىرار ۇلى دالانىڭ مۇراگەرلەرى رەتىندە ءوز تاريحىمىزدى ءبىلۋ جانە كەلەر ۇرپاققا جەتكىزۋ مىندەتىمىز.
وسى جولدا سيفرلى جۇيەنى قولدانۋ ارقىلى الەمدىك دەڭگەيدە وزگە ەلدەر تاريحىمەن يىق تىرەسىپ مول مۇرامىزدىڭ بار ەكەنىن، ونىڭ ىشىندە ۇلى دالا توپىراعى بارشا تۇرىكتىڭ اتامەكەنى، ءتۇپقازىعى بولعاندىعىن كوپشىلىككە جاريالايتىن ءساتتىڭ تۋعانىنا قۋانىشتىمىن. سونىمەن قاتار اتقا ءمىنۋ مادەنيەتى، اڭ ءستيلى، ۇلى جىبەك جولى، ۇلى دالا ەسىمدەرى، دالا فولكلورى تۋرالى ايتىلعانى ويى وتە كەرەمەت قۇندى دۇنيە.
ەلباسىمىزدىڭ «رۋحاني جاڭعىرۋ» جالپىۇلتتىق باعدارلاماسىنىڭ جاڭا كومپونەنتتەرى اتا-بابالارىمىزدىڭ كوپ عاسىرلىق مۇراسىنىڭ سيفرلىق وركەنيەت جاعدايىندا تۇسىنىكتى ءارى سۇرانىسقا يە بولۋىن قامتاماسىز ەتە وتىرىپ، ونى جاڭعىرتۋعا مۇمكىندىك بەرەدى. ءتول تاريحىن بىلەتىن، باعالايتىن جانە ماقتان ەتەتىن حالىقتىڭ بولاشاعى زور بولادى دەپ سەنەمىن. ويتكەنى ماقتان تۇتىپ، بۇگىنىن ناقتى باعالاي ءبىلۋ جانە بولاشاققا وڭ كوزقاراس تانىتۋ – ەلىمىزدىڭ تابىستى بولۋىنىڭ كەپىلى دەگەنىمىز وسى. كەلەر جاس ۇرپاققا ماقتانىش سەزىمىن تۋدىراتىنى جانە بۇل ماقالا كوپ باعىتتى قامتيتىن جەكە باعدارلاما ەسەبىندە بەكىتىلسە وشپەس تاريحقا جاسالعان ۇلكەن قۇرمەت بولارى ءسوزسىز.
ق.بەكمەتوۆ، كەنتاۋ قالاسى «جاستار رەسۋرستىق ورتالىعىنىڭ» باسشىسى.
