بٷگٸنگٸ كٷنگە دەيٸن سۋ استىندا قالعان اۋىلداردان 908 باس ٷي جانۋارلارىنىڭ ٶلەكسەسٸ شىعارىلدى. ولاردىڭ ٸشٸندە 856 ۇساق مال, 39 ٸرٸ قارا, 7 جىلقى, 6 تٷيە بار.
ٶلگەن مالدان تازارتىلعان اۋماقتاردى جاعىمسىز يٸس پەن زيياندى قالدىقتاردان ارىلتۋ ٷشٸن 219 توننا ارنايى دەرٸ سەبۋ ارقىلى زالالسىزداندىرۋ جٷرگٸزٸلەدٸ. قازٸرگٸ تاڭدا ول دەرٸلەردٸڭ 100 تونناسى جەتكٸزٸلدٸ.
اۋا-رايى قولايسىزدىق تۋدىرماسا 5 كٷن ٸشٸندە 4 ميلليون 188 مىڭ شارشى مەتر اۋماقتى دەرٸلەۋ جۇمىستارى جٷرگٸزٸلٸپ بٸتەدٸ دەپ جوسپارلانۋدا. بۇل تۋرالى تٷركٸستان وبلىسى اۋىل شارۋاشىلىعى باسقارماسىنىڭ ۆەتەرينارييالىق شارالاردى ۇيىمداستىرۋ بٶلٸمٸنٸڭ باس مامانى تاعاەۆ ارمان مەلٸمدەدٸ.
دەگەنمەن, سۋ استىنان شىققان مال ٶلٸكتەرٸنٸڭ كٶپشٸلٸگٸ ٶزبەكستان رەسپۋبليكاسىنا تيەسٸلٸ بولعاندىقتان ولارعا ارنايى مال اۋرۋلارىنا ارنالعان ۆاكتسينا ەگٸلگەنٸ جٶنٸندە مەلٸمەت جوق. سوندىقتان, ونداعى مال ٶلٸكتەرٸن جەپ, اۋرۋ تاراتۋ قاۋپٸ تۋىنداپ, سول ايماقتاعى يتتەردٸڭ دە كٶزٸن جويۋ جۇمىستارى ەگەلەرٸنە ەسكەرتۋ ارقىلى جٷرٸپ جاتىر.
سونىمەن قاتار, توپان سۋمەن بٸرگە اعىپ كەلگەن بالىقتاردىڭ دا سىنامالارى الىنىپ, بالىق ينسپەكتسيياسى لابوروتورييالىق زەرتتەۋ جۇمىستارىن جٷرگٸزۋدە. زەرتتەۋ نەتيجەلەرٸ انىقتالعانشا بالىق اۋلاۋعا رۇقسات بەرٸلمەيدٸ.
بۇل جۇمىستاردىڭ بارلىعىنا ارنايى تەحنيكالار جۇمىلدىرىلعان.
اتاپ ٶتەيٸك, اۋىل شارۋاشىلىعى باسقارماسىنىڭ مەلٸمەتٸنشە, سٸبٸر جاراسىنىڭ وشاقتارى تٸركەلمەگەن.
تٷركٸستان وبلىسىنىڭ ٶڭٸرلٸك كوممۋنيكاتسييالار قىزمەتٸ
