5 گەكتار جەرگە «ماقتاارال – 4011» ماقتا سورتىن ەككەن قوجالىق اگروتەحنيكالىق شارالاردى تولىق ورىنداۋدىڭ ارقاسىندا ءبىرىنشى تەرىمنىڭ وزىندە 25 سەنتنەردەن ءونىم الدى. ماقتانىڭ ءاربىر كەلىسىن 30 تەڭگەدەن جەرگىلىكتى اۋىل تۇرعىندارى تەرۋدە. قوجالىق باسشىسى جيناعان ءونىمىن «Cotton-ماقتا» ج ش س ماقتا وڭدەۋ زاۋىتىنا وتكىزەتىنىن جەتكىزدى.
– بيىل ماقتاارالدىق شارۋالار جالپى 35 مىڭ گەكتاردان اسا جەرگە ماقتا ءشيتىن سەپكەن بولاتىن. قازىرگى تاڭدا ديقاندارىمىز ماقتاعا قاجەتتى اگروتەحنيكالىق شارالاردى اياقتاپ، ماقتا جيناۋ ناۋقانىن باستاپ كەتتى. اۋدان بويىنشا 3 مىڭ گەكتاردان استام ماقتالىق القاپقا دەفولياسيا جۇمىستارى جۇرگىزىلگەن. ماقتا جيناۋ تەحنيكالارى، ماقتا زاۋىتتارى مەن قابىلداۋ بەكەتتەرى تولىق دايىن تۇر. كۇزگى جيىن-تەرىم ناۋقانىن ءساتتى وتكىزۋ – ءبارىمىزدىڭ ورتاق مىندەتىمىز! – دەدى اۋداننىڭ اۋىل شارۋاشىلىعى ءبولىمىنىڭ باسشىسى بايازيت ءالىمقۇل.
اۋدانداعى ماقتا تەرىم ناۋقانى ءۇشىن 567 تراكتور، 850 دانا تىركەمە جانە 162 دانا ماقتا تەرىم ماشيناسى دايىندالعان. جوسپار بويىنشا ماقتانىڭ 70 پايىزى تەحنيكانىڭ كۇشىمەن تەرىلەدى.
ايتا كەتەيىك، اۋداندا 8 ماقتا وڭدەيتىن زاۋىت پەن 64 ماقتا قابىلداۋ بەكەتى جۇمىس ىستەپ تۇر. ال، شارۋالارعا كومەك رەتىندە مەملەكەت تاراپىنان جەڭىلدەتىلگەن باعامەن ءتيىستى دەڭگەيدە جانار جاعارماي بوساتىلۋدا.
