5 gektar jerge «Maqtaaral – 4011» maqta sortyn ekken qojalyq agrotehnikalyq sharalardy tolyq oryndaýdyń arqasynda birinshi terimniń ózinde 25 tsentnerden ónim aldy. Maqtanyń árbir kelisin 30 teńgeden jergilikti aýyl turǵyndary terýde. Qojalyq basshysy jinaǵan ónimin «Cotton-Maqta» JShS maqta óńdeý zaýytyna ótkizetinin jetkizdi.
– Biyl maqtaaraldyq sharýalar jalpy 35 myń gektardan asa jerge maqta shitin sepken bolatyn. Qazirgi tańda diqandarymyz maqtaǵa qajetti agrotehnikalyq sharalardy aiaqtap, maqta jinaý naýqanyn bastap ketti. Aýdan boiynsha 3 myń gektardan astam maqtalyq alqapqa defoliatsiia jumystary júrgizilgen. Maqta jinaý tehnikalary, maqta zaýyttary men qabyldaý beketteri tolyq daiyn tur. Kúzgi jiyn-terim naýqanyn sátti ótkizý – bárimizdiń ortaq mindetimiz! – dedi aýdannyń aýyl sharýashylyǵy bóliminiń basshysy Baiazit Álimqul.
Aýdandaǵy maqta terim naýqany úshin 567 traktor, 850 dana tirkeme jáne 162 dana maqta terim mashinasy daiyndalǵan. Jospar boiynsha maqtanyń 70 paiyzy tehnikanyń kúshimen teriledi.
Aita keteiik, aýdanda 8 maqta óńdeitin zaýyt pen 64 maqta qabyldaý beketi jumys istep tur. Al, sharýalarǵa kómek retinde memleket tarapynan jeńildetilgen baǵamen tiisti deńgeide janar jaǵarmai bosatylýda.
