بۇل تۋرالى ورتالىق كوممۋنيكاسيالار قىزمەتىنىڭ الاڭىندا وبلىستىڭ الەۋمەتتىك-ەكونوميكالىق دامۋى تۋرالى ەسەپ بەرۋ بارىسىندا تۇركىستان وبلىسىنىڭ اكىمى دارحان ساتىبالدى ءمالىم ەتتى، – دەپ حابارلايدى Dalanews.kz تۇركىستان وبلىسى اكىمىنىڭ باسپا ءسوز قىزمەتىنە سىلتەمە جاساپ.

–  تۇركىستان وبلىسى رەسپۋبليكادا ماقتا وسىرەتىن جالعىز ايماق. بيىل 106 مىڭ گەكتارعا ماقتا ەگىلدى. دەگەنمەن، ءداستۇرلى ءادىستى قولدانعاندىقتان ونىڭ ونىمدىلىگى دە تومەن بولىپ وتىر. ەندى زاماناۋي سۋدى ۇنەمدەۋ تەحنولوگيالارىن قولدانا وتىرىپ، ماقتانىڭ ەليتالىق سورتتارىن ءوسىرۋدى جانە شيكىزاتتى تەرەڭ وڭدەۋدى قامتيتىن ماقتا-توقىما كلاستەرىن قۇرۋ قولعا الىندى.

ياعني، ماقتا وسىرۋدەن باستاپ ءجىپ، ماتا جانە كيىم سياقتى دايىن توقىما ونىمدەرىن وندىرۋگە دەيىن قامتىلادى. تۇركىستان قالاسىندا ماقتانى تەرەڭ وڭدەيتىن ءىرى زاۋىتتىڭ قۇرىلىسى باستالدى. جوبا قۇنى – 147 ملرد. تەڭگە. زاۋىتتا 4 000-نان استام جۇمىس ورنى اشىلادى، – دەدى دارحان ساتىبالدى.

جالپى وڭىردە ماقتا كلاستەرىندە 9 جوبانى ىسكە اسىرۋ جوسپارلانىپ وتىر. تولىق ىسكە قوسىلعاندا 40 مىڭنان استام جۇمىس ورنى قۇرىلىپ، 50 مىڭ تونناعا جۋىق دايىن ءونىم وندىرىلەدى. بيۋدجەتكە ميللياردتاعان سالىق تۇسەدى. ماقتا ونىمدىلىگى 3 ەسەگە دەيىن ارتىپ، ونىمدىلىك كورسەتكىشى گەكتارىنا 70 سەنتنەرگە جەتەدى دەپ مەجەلەنىپ وتىر. ايماقتا ماقتا ەگۋدە سۋ ۇنەمدەۋ تەحنولوگيالارى قولدانىلۋدا.

ماقتالى ايماقتاردا ەگىستىكتى ءارتاراپتاندىرۋ باعىتىندا دا جۇمىس باستالعان. ايماقتا جۇگەرىنى تەرەڭ وڭدەيتىن «كراحمال-سىرنە» زاۋىتى سالىنۋدا. جوبا قۇنى – 36 ملرد.تەڭگە.  جوبا تولىق ىسكە قوسىلعاندا جىلىنا 150 مىڭ توننا جۇگەرىنى تەرەڭ وڭدەۋگە مۇمكىندىك بەرەدى. 550 جاڭا جۇمىس ورنى اشىلىپ، جۇگەرىدەن 26 ءتۇرلى ءونىم شىعارىلادى دەپ كۇتىلىپ وتىر.