ماقپال يسابەكوۆانىڭ تٷنٸمەن مەنتٸ ساتىپ, سەكوند-حەندتە كيٸنگەن كەزدەرٸ بولعان
بۇل تۋرالى استانا ارناسىنىڭ “جانسىرىم” باعدارلاماسىندا ايتىلدى, دەپ جازادى Stan.kz.
ماقپال يسابەكوۆا جۋرناليست ماييا بەكباەۆاعا بەرگەن سۇحباتىندا وسى كٷنگە دەيٸن ەشكٸممەن بٶلٸسپەگەن سىرىن ايتتى. ول بالا كٷنٸندە اناسىنا مەنتٸ ساتۋعا كٶمەكتەسٸپ, سەكوند-حەند دٷكەندەرٸنەن كيٸنگەن ەكەن. دەسە دە, ەنشٸ دەل قازٸر وسىنداي تاعدىرى ٷشٸن جاراتقانعا تەك العىس ايتاتىنىن جەتكٸزدٸ.
– پسيحولوگ ماماندار وبرازىن جيٸ اۋىستىراتىن ادامداردى – ٶز ٶمٸرٸندە بٸرنەرسەنٸ ٶزگەرتكٸسٸ كەلٸپ جٷرگەن جاندار دەپ باعالايدى. ال سەن ٶمٸرٸڭدە نەنٸ ٶزگەرتكٸڭ كەلەدٸ?
– ٶزٸمدٸ شىعارماشىلىق ادامدارىنىڭ قاتارىنا قوسامىن. ال شىعارماشىلىق ادامدارى ٷنەمٸ ٶزگەرٸپ تۇرۋدى جٶن كٶرەدٸ. ەردايىم بٸرنەرسەدەن شابىت الىپ, ٶمٸرگە قايتا عاشىق بولعاندى ۇناتامىن. ٶزٸمنٸڭ جاڭا قىرلارىمدى اشقىم كەلەدٸ. ەردايىم تەك بٸر وبرازبەن جٷرٸپ, اينادان كٷن سايىن بٸر جٷزدٸ كٶرۋ – مەن ٷشٸن جات نەرسە.
– سەنٸ تانيتىن ادامدار كٷش-جٸگەرٸڭنٸڭ مىقتى ەكەنٸن ايتادى. بەلگٸلٸ بٸر ديەتا تٷرٸن ۇستاعاندا قينالاسىڭ با?
– شىنى كەرەك, ەشقانداي دا ديەتا ۇستامايمىن. اراسىندا اۋقىمدى جوبالارعا دايىندالعان كەزدە از ۋاقىت ٸشٸندە كٶپ سالماق تاستاۋىم مٷمكٸن. ەدەتتە ناننان باس تارتامىن.
– جاركەنتكە قايتا ورالايىقشى. بەلكٸم بالالىق شاعىڭدا ٶزٸڭە ەرەكشە ەسەر ەتكەن وقيعا نەمەسە ادام بار شىعار?
– مەن بالالىق شاعىمدى ەرەكشە ماحابباتپەن ەسكە الامىن. سەبەبٸ, بۇل – مەن قايتا-قايتا ورالا بەرگٸم كەلەتٸن سەت. ەرمٸنەزدٸ بولدىم. ۇلدارمەن اتىسپاق ويناپ, قولىما اۆتومات ۇستادىم. كەيدە مەدبيكە بولىپ ولاردى ەمدەيتٸنمٸن. ال مەكتەپتە ەن ايتا باستاعانعا دەيٸن ٶتە جاقسى وقىدىم. ۇستازدارىم بار شىندىقتى جايىپ سالعانىم ٷشٸن رەنجيتٸن شىعار. بٸراق, ولار مەنٸڭ جارىستارعا بولا ساباققا كەلمەۋٸمە كٶز جۇماتىن. بالالىق شاعىم وسىلاي ٶتتٸ.
– كەشەگٸ ماقپال مەن بٷگٸنگٸ ماقپالدىڭ ايىرماشىلىعى قانداي?
– Superstar بايقاۋىنداعى ماقپال جوق. كٶپشٸلٸك مەنەن سول ماقپالدى قايتارۋىمدى تالاپ ەتٸپ جاتادى. بٸراق مەن 18 جاستاعى سٸزدەر كٶرگەن بەيكٷنە ماقپالعا اينالا المايمىن. 32 جاسىمدا كٶپشٸلٸك بٸلەتٸن تومپاق, قارا قىز ماقپال بولا المايمىن. اڭقاۋ قىزدىڭ بەتپەردەسٸن كيگٸم دە كەلمەيدٸ. ٶتىزدان استىم. قازٸر بۇل سٶزدەر سونداي قورقىنىشتى ەستٸلەدٸ.
– ماقپال, سەن مىقتىسىڭ با ەلدە ەلسٸزسٸڭ بە?
– مەن مىقتىمىن, بٸراق ەلسٸز بولعىم كەلەدٸ. قاسىمدا مىقتى ادام پايدا بولعان كەزدە عانا ەلسٸز بولاتىن شىعارمىن.
– ٶمٸرٸڭدەگٸ ەڭ قيىن كەزەڭ تۋرالى ايتىپ بەرە الاسىڭ با?
– بۇل 90 جىلدار شىعار. انام ەكەۋٸمٸز مايشاممەن وتىرىپ مەنتٸ جاسايتىنبىز. ارتىنشا 300-400 مەنتٸنٸ تٷنٸمەن ساتىپ, 700-800 تەڭگەدەي اقشا الاتىنبىز. انام تاڭعى بەسكە دەيٸن ساۋدا جاسايدى, مەن قاسىندا وتىرىپ ساباعىمدى وقيمىن. بەرٸن ساتىپ بولعان سوڭ ٷيگە جاياۋ جٷرٸپ كەلەمٸز. بۇل قاشىقتىقتىڭ قانشالىقتى ۇزاق بولعانىن قازٸر تٸپتٸ ەسٸمە العىم كەلمەيدٸ. ٷيگە كەلگەن سوڭ انام جۇمىسقا, مەن ساباققا جينالامىن. بٸز ۇزاق ۋاقىت وسىلاي ٶمٸر سٷردٸك. سول كەزدە وسىنىڭ بارلىعى ٷشٸن سىنىپتاستارىمنان قاتتى ۇيالاتىن ەدٸم.
قانشا دەگەنمەن ولار بٸزگە قاراعاندا جاقسىراق تۇردى. انام مەن ەكەم بٸزدٸڭ ەل قاتارلى ٶمٸر سٷرۋٸمٸز ٷشٸن بارلىعىن جاسادى. اراسىندا سەكەند-حەندكە بارىپ كيٸنەتٸن كەزدەرٸمٸز دە بولدى. جاقسى كٷرتەلەر مەن كەۋدەشەلەر الاتىنمىن. ول جەرگە سىنىپتاستارىم كٶرٸپ قويماسىنشى دەگەن نيەتپەن باسىمدى بٷركەپ كٸرەتٸن ەدٸم. الايدا دەل قازٸر بەكەر ۇيالعانىمدى تٷسٸنەمٸن. وسى نەرسە مەنٸڭ مٸنەزٸمدٸ قالىپتاستىرىپ, ماقساتىما جەتۋدە تاباندىلىق تانىتۋعا كٶمەكتەستٸ. مەن دەل وسىنداي تاعدىرىم ٷشٸن تەك العىس ايتامىن.
