بۇگىن «Nur Otan» پارتياسى قاراتال اۋداندىق فيليالىنا پارلامەنت ءماجىلىسىنىڭ دەپۋتاتتىعىنا ۇمىتكەر، اقىن، قازاقستاننىڭ «ءجۇز جاڭا ەسىمىنىڭ» ءبىرى – ماقپال تاجماعامبەتوۆا ارنايى كەلىپ، حالىقپەن جۇزدەستى.  

كەزدەسۋگە «Nur Otan» پارتياسىنىڭ سايلاۋالدى شتابىنىڭ ءتوراعاسى جاندوس تەڭەلبايەۆ، پارتيالىق تىزىمدەگى كانديداتتار فارحات قۇساينوۆ جانە «جاستار» رەسۋرستىق ورتالىعىنىڭ جەتەكشىسى نۇرجان راحمەتقازينوۆ قاتىستى.

باسقوسۋدا «Nur Otan» پارتياسىنىڭ سايلاۋالدى باعدارلاماسى تالقىلانىپ، ساياسي ۇيىمنىڭ باستى قۇجاتىن حالىققا ءتۇسىندىرۋ ماسەلەسى ءسوز بولدى.

جيىندا ۇمىتكەر-كانديداتتار مەملەكەتىمىزدىڭ وسىپ-وركەندەۋى ءبىرىنشى كەزەكتە جاستاردىڭ قولىندا ەكەندىگىن اتاپ ءوتتى.

پارتيانىڭ سايلاۋالدى باعدارلاماسى جايىندا كەڭىنەن وي تولعاعان ماقپال ماساق قىزى الداعى جىلدىڭ باسىندا وتەتىن سايلاۋعا ەل ازاماتتارى ءبىر كىسىدەي قاتىسىپ، ءوز تاڭداۋىن جاساۋ كەرەك ەكەنىن ايتتى.

ءار ازامات قوعامنىڭ دامۋىنا وزىندىك ۇلەسىن قوسۋ كەرەك، ياعني كەز كەلگەن ءىستى ءوزىنىڭ قارا باسى ءۇشىن ەمەس، حالىق ەپن بولاشاقتىڭ قامى ءۇشىن جاساۋى ءتيىس. سول كەزدە مەملەكەتىمىز كوركەيىپ، نىعايا تۇستەتىنى بەلگىلى.

ۇمىتكەر-كانديداتتار «Nur Otan» پارتياسىنىڭ قاراتال اۋداندىق فيليالىنان شىققاننان كەيىن قاراتال اۋدانىنىڭ «قۇرمەتتى ازاماتى»، كەمەل توقايەۆ اتىنداعى مەكتەپتىڭ قايىرىمدىلىق قورىنىڭ ءتورايىمى ۆالەنتينا سپيريدونوۆا مەن قاراتال اۋداندىق ارداگەرلەر ءۇيىنىڭ ءتوراعاسىنىڭ ورىنباسارى شارا كايمۋلدينا شاڭىراقتارىنا بارىپ، سايلاۋالدى باعدارلامالارىمەن تانىستىرىپ، وزدەرىنىڭ تۇعىرناماسىنداعى ماڭىزدى جوبالارىن ورتاعا سالدى. سونداي-اق، سايلاۋشىلاردىڭ سۇراقتارى مەن تىلەكتەرىن تىڭداپ، ۇسىنىستارىن نازارعا الدى.

(ماتەريال اقىسى «Nur Otan» پارتياسىنىڭ الماتى وبلىسى قاراتال اۋدانىنىڭ سايلاۋ قورىنىڭ ەسەبىنەن تولەندى)