– ءبىز قازاق ەستراداسىن قالىپتاستىرۋ جولىندا ءبىراز ەڭبەك ەتكەن انشىلەرمىز. جاستار ءبىزدىڭ ارتىمىزدان ەرىپ، جاقسى اۋەنمەن كەلە جاتىر ەدى. اياق استىنان وسىنداي مىنەكي، ەۋروپانىڭ، افريكانىڭ مۋزىكاسى كەلە باستادى. قارا ناسىلدىلەردىڭ جاڭا ءريتمدى مۋزىكاسىن الىپ، وعان قازاقشا ءسوزدى قالاي بولسا سولاي قويادى. نە ولەڭ ەندى “زىڭ-زىڭ-زىڭ، دىڭ-دىڭ-دىڭ”، “جوق-جوق-جوق”؟ ول ۇرپاقتى نەگە تاربيەلەيدى؟ ءبىزدىڭ ۇلى اقىندارىمىز تۇمانباي مولداعالييەۆتىڭ، مۇقاعالي ماقاتايەۆتىڭ، فاريزا وڭعارسىنوۆانىڭ، قادىر مىرزا ءاليدىڭ، يسرايل ساپاربايەۆتىڭ سوزدەرىنە جازىلعان اندەر قايدا قالدى؟ – دەدى اشىنعان حالىق ءارتىسى.
ماقپال ءجۇنىسوۆانىڭ ايتۋىنشا، عالامتورداعى قارالىمنىڭ كوپتىگىن ابىروي ساناپ، جۇلدىز اۋرۋىنا شالدىققان ءانشىسىماقتار كوبەيگەن.
– سوزدەرىنىڭ ءمانى جوق، نە اۋەنى جوق، قازاقى ەمەس. سونىڭ ءبارى مىنا ينتەرنەت ارقىلى تارالىپ كەتەدى ەكەن. “ويباي، مەن ميلليون داۋىس جيناپ جاتىرمىن. مەنىڭ كورەرمەندەرىم 2 ميلليون، 5 ميلليون بوپ كەتتى”، – دەيدى. سوندا جاڭاعىنى ايتىپ جۇرگەن انشىلەر ءبىزدىڭ الدىمىزدا وزدەرىن سونشالىقتى بيىك ۇستايدى. جۇلدىز اۋرۋىمەن اۋىرىپ ءجۇر. “ماقپالدىڭ، روزانىڭ اندەرىن تىڭدامايدى، “دوس-مۇقاسان” كىمگە كەرەك؟ ءقازىر جاستار ءبىزدى جاقسى كورەدى”، – دەپ ويلايدى. ايتسىن، ءبىر قارسىمىز. مەن ونى قىزعانىپ وتىرعان جوقپىن. قاي جەرگە بارسام داعى، حالىق اياعىنان تىك تۇرىپ قارسى الىپ، ەركەلەتىپ، كونسەرتىمىزگە لىق تولى حالىق جينالادى، – دەيدى ماقپال ءجۇنىسوۆا.
ەستى تىڭدارمان قاجەتتى ءاندى ءوزى-اق تابادى. دەگەنمەن بۇگىنگى ەسترادانىڭ وسىلاي دامۋى حالىق ءارتىسىنىڭ جۇرەگىن اۋىرتادى.
“وسىلاي جالعاسا بەرسە، ءبىر كۇنى قازاق ەستراداسى مۇلدەم جويىلادى”، – دەپ الاڭداۋشىلىق ءبىلدىردى ماقپال ءجۇنىسوۆا.
دەرەككوزى: stan.kz
