Maqpal Júnisova shydamai – shyndyqty aitypty
– Biz qazaq estradasyn qalyptastyrý jolynda biraz eńbek etken ánshilermiz. Jastar bizdiń artymyzdan erip, jaqsy áýenmen kele jatyr edi. Aiaq astynan osyndai mineki, Eýropanyń, Afrikanyń mýzykasy kele bastady. Qara násildilerdiń jańa ritmdi mýzykasyn alyp, oǵan qazaqsha sózdi qalai bolsa solai qoiady. Ne óleń endi “zyń-zyń-zyń, dyń-dyń-dyń”, “joq-joq-joq”? Ol urpaqty nege tárbieleidi? Bizdiń uly aqyndarymyz Tumanbai Moldaǵalievtiń, Muqaǵali Maqataevtyń, Fariza Ońǵarsynovanyń, Qadyr Myrza Álidiń, Israil Saparbaevtyń sózderine jazylǵan ánder qaida qaldy? – dedi ashynǵan Halyq ártisi.
Maqpal Júnisovanyń aitýynsha, ǵalamtordaǵy qaralymnyń kóptigin abyroi sanap, juldyz aýrýyna shaldyqqan ánshisymaqtar kóbeigen.
– Sózderiniń máni joq, ne áýeni joq, qazaqy emes. Sonyń bári myna internet arqyly taralyp ketedi eken. “Oibai, men million daýys jinap jatyrmyn. Meniń kórermenderim 2 million, 5 million bop ketti”, – deidi. Sonda jańaǵyny aityp júrgen ánshiler bizdiń aldymyzda ózderin sonshalyqty biik ustaidy. Juldyz aýrýymen aýyryp júr. “Maqpaldyń, Rozanyń ánderin tyńdamaidy, “Dos-Muqasan” kimge kerek? Qazir jastar bizdi jaqsy kóredi”, – dep oilaidy. Aitsyn, bir qarsymyz. Men ony qyzǵanyp otyrǵan joqpyn. Qai jerge barsam daǵy, halyq aiaǵynan tik turyp qarsy alyp, erkeletip, kontsertimizge lyq toly halyq jinalady, – deidi Maqpal Júnisova.
Esti tyńdarman qajetti ándi ózi-aq tabady. Degenmen búgingi estradanyń osylai damýy Halyq ártisiniń júregin aýyrtady.
“Osylai jalǵasa berse, bir kúni qazaq estradasy múldem joiylady”, – dep alańdaýshylyq bildirdi Maqpal Júnisova.
Derekkózi: stan.kz
