ماڭعىستاۋ تۋريزم كوللەدجٸنٸڭ ٶندٸرٸستٸك وقۋ شەبەرٸ نۇراي ەلامان ٸرٸمشٸكتەن بالمۇزداق جاسايدى, - دەپ حابارلايدى mangystaumedia.kz سايتى.
نۇراي ەلاماننىڭ ايتۋىنشا, ۇلتتىق دەمنەن بالمۇزداق جاساۋ يدەياسى توسىننان كەلگەن. - الدىمەن قۇرت قوسىپ جاساپ كٶردٸم, الايدا, دەمٸ سەتسٸز شىقتى.
كەيٸن ٸرٸمشٸكپەن جاساعان ەدٸم, دەمٸ ەرەكشە بولدى. بٸر كٷننٸڭ ٸشٸندە جاسالعان ۇلتتىق دەمدەگٸ بالمۇزداق جانىمداعى جانداردىڭ كٶڭٸلٸنەن شىقتى.
تٸپتٸ, وسى بالمۇزداقپەن بىلتىر تاراز قالاسىندا ٶتكەن حالىقارالىق چەمپيوناتقا قاتىسىپ, 2-ورىن العان ەدٸك, - دەدٸ ٶندٸرٸستٸك وقۋ شەبەرٸ نۇراي ەلامان.
ۇلتتىق دەمنەن جاسالعان ەرەكشە بالمۇزداق ساتىلىمدا جوق. يدەيا اۆتورى نۇراي ەلاماننىڭ ايتۋىنشا, قازٸر سەرتيفيكات الۋ, پاتەنتتەۋ بويىنشا جۇمىستار جٷرگٸزٸلٸپ جاتىر. قۇجاتتار رەسٸمدەلگەن سوڭ وبلىس كٶلەمٸندە ساتىلىمعا شىعارۋدى جوسپارلاپ وتىر.
مۇنان بٶلەك ٶندٸرٸستٸك وقۋ شەبەرٸ ۇلتتىق سۋسىندار مەن بالقايماق, قۇرت قوسىلعان تٷرلٸ سوۋستاردى ەزٸرگە تەجٸريبەدەن ٶتكٸزٸپ جٷر.
بۇل سوۋستاردى ەت نەمەسە سالاتقا قوسامىن. مۇنداي سوۋس ارقىلى ۇلتتىڭ باس تاعامىن تولىقتىرۋعا بولادى. قازٸرگٸ تاڭدا ۇلتتىق مەزٸردٸ ەرەكشە ەدٸسپەن ۇسىنۋ سۇرانىستا عوي.
ال مەن دايىنداپ جاتقان سوۋستار وسى سۇرانىستى ٶتەيدٸ دەگەن ويدامىن. مەنٸڭ ويىمشا, ۇلتتىق برەند اسپازدىق ٶنەردە دە كەڭٸنەن قولدانىلسا, قازاق اسحاناسىن شەتەلگە تانىتۋعا مٷمكٸندٸك بار, - دەدٸ نۇراي ەلامان.
نۇراي ەلامان - ماڭعىستاۋ تۋريزم كوللەدجٸنٸڭ تٷلەگٸ. 3 جىلدان بەرٸ ٶندٸرٸستٸك وقۋ شەبەرٸ بولىپ ٶزٸ بٸتٸرگەن كوللەدجدە ساباق بەرۋدە. ستۋدەنتتەرٸ دە ەردايىم ٸزدەنٸستە ەكەنٸن جاسىرمادى, سونىڭ نەتيجەسٸندە رەسپۋبليكالىق, حالىقارالىق چەمپيوناتتاردان ولجالى ورالاتىنىن ايتتى.
