ماڭعىستاۋ وبلىسى كەسٸپكەرلەر پالاتاسى باسپاسٶز قىزمەتٸنٸڭ مەلٸمەتٸنشە, ساپار بارىسىندا قازاقستاندىق تاراپ ەستونييانىڭ مەملەكەتتٸك قىزمەتتەر سالاسىندا تسيفرلىق كەڭٸستٸك قۇرۋ, مەديتسينانىڭ ەلەكتروندىق جٷيەلەرٸ, سالىق, كەدەندٸك ەكٸمشٸلەندٸرۋ, بٸلٸم بەرۋ, كٶلٸك لوگيستيكاسى, سونداي-اق تەحنولوگييالىق حابتاردى قالىپتاستىرۋ تەجٸريبەسٸمەن تانىسقان.
ەستونييا تاراپى دا بولاشاقتا قوس ەل اراسىنداعى اقپارات الماسۋدى جەنە بايلانىستاردى ٶزەكتەندٸرۋ ٷشٸن وسىنداي ٸس-شارالاردىڭ ماڭىزدىلىعىنا نازار اۋداردى.
شارا بارىسىندا قازاقستاندىق «Mediana Services Limited» IT كومپانيياسى مەن ەستونييانىڭ «IN Deal OÜ» اراسىندا ىنتىماقتاستىق تۋرالى مەموراندۋمعا قول قويعانىن ايتا كەتۋٸمٸز كەرەك. وسىلايشا قازاقستاندىق IT شەشٸمدەر تيٸستٸ دەڭگەيدە جەنە ەۋروپا ەلدەرٸنە ەكسپورتتاۋدا ٷلكەن ەلەۋەتكە يە بولدى.
– قول جەتكٸزٸلگەن قۇجات ەكٸ جاقتى ىنتىماقتاستىق جوبالاردى ٸسكە اسىرۋعا, بٸزدٸڭ كومپانييانىڭ IT ٶنٸمدەرٸن ەستونيياعا جەنە ەۋرووداق نارىقتارىنا شىعارۋعا, ەستوندىق بيزنەس-ەرٸپتەسٸمٸزدٸڭ قازاق نارىعىنا كەلۋٸنە ىقپال ەتەدٸ. ناقتى ايتساق, تاللينن قالاسىندا كەڭسەمٸزدٸ اشىپ, ەكٸ ٸت-ٶنٸمٸمٸزدٸ ەۋروپا نارىعىنا بەيٸمدەپ ەكسپورتقا شىعارۋدى قولعا الامىز. كەسٸپورىندارعا ارنالعان كورپوراتيۆتٸك سمارت IoT شەشٸمدەرٸمٸز جەنە بٸلٸم بەرۋ سالاسىنداعى بالاباقشالارعا ارنالعان ينتەراكتيۆتٸك-باعدارلامالىق جوبامىز بار. وسى ەكٸ جوبامەن نارىققا قادام باستاپ جاتىرمىز, – دەدٸ «Mediana Services Limited» IT كومانيياسىنىڭ جەتەكشٸسٸ ٶمٸربەك قۇربانباەۆ.
بۇل كەلٸسٸم ەكٸ ەلدٸڭ ەلشٸلٸكتەرٸ مەن استانا ديپلوماتييالىق كلۋبى بٸرلەسٸپ ەستونييانىڭ تسيفرلىق تەجٸريبەسٸن زەردەلەۋ شەڭبەرٸندە ۇيىمداستىرعان قازاقستاندىق دەلەگاتسييانىڭ 2021 جىلعى قاراشاداعى ساپارىنىڭ جەمٸسٸ.
