ق.تۇرىسبەكوۆ اۋىلدىق وكرۋگىنىڭ ازاماتتارى شىعىنعا ۇشىراعان شارۋالارعا جۇك كولىگىمەن 1000 دانا پرەسس ءشوپ جونەلتتى. ساۋابى مول ىسكە س. ءابدىرامانوۆ باستاعان اۋىل تۇرعىندارى، مەشىت جاماعاتى جانە «شاعالالى شاردارا» قايىرىمدىلىق قورىنىڭ مۇشەلەرى اتسالىسقان.
شاردارالىق جومارت جانداردىڭ سوزىنشە، جينالماعان پرەسس ءشوبى ءالى كوپ. الداعى ۋاقىتتا ولاردى تاعى دا جىبەرۋ جوسپارلانۋدا. وسىلايشا، قيىندىققا تاپ بولعان باتىس ءوڭىرىنىڭ جۇرتشىلىعىنا تۇركىستان وبلىسىنىڭ شارۋالارى قولدان كەلگەنشە جاردەم بەرۋدە.
