ماڭعىستاۋ وبلىسىنداعى اۆتوبۋس اپاتىنان زارداپ شەككەن تاعى ءبىر جولاۋشى كوز جۇمدى، دەپ حابارلايدى Dalanews.kz BAQ.KZ-كە سىلتەپ.
وبلىستىق دەنساۋلىق ساقتاۋ باسقارماسىنىڭ مالىمەتىنشە، اۋىر جاعدايدا اۋرۋحاناعا جەتكىزىلگەن تاعى ءبىر جولاۋشىنىڭ ءومىرىن دارىگەرلەر ساقتاپ قالا الماعان.
وسىلايشا، جول اپاتى سالدارىنان قازا تاپقاندار سانى 5 ادامعا جەتتى.
16 قاڭتارعا قاراعان ءتۇنى ماڭعىستاۋ وبلىسىنداعى اقتاۋ-بەينەۋ تاسجولىندا جول اپاتى تىركەلدى. الدىن الا مالىمەتكە سايكەس Yutong ماركالى اۆتوبۋستىڭ جۇرگىزۋشىسى كولىك تىزگىنىنە يە بولا الماي، سالدارىنان اۆتوبۋس جول جيەگىنە اۋدارىلعان. كولىك سالونىندا جولاۋشىلار بولعان.
ەسكە سالايىق، بۇعان دەيىن ماڭعىستاۋدا اۆتوبۋس اۋدارىلىپ، ءتورت ادام قازا تاپقانى حابارلاندى.
