ماڭعىستاۋ وبلىسىندا ساربازداردى تٶسەكتە جاتقان جەرٸنەن جۇدىرىقپەن ۇرىپ جٸبەرگەن سەرجانت جازادان سىتىلىپ كەتتٸ, - دەپ حابارلايدى Dalanews.kz دياپازونعا سٸلتەپ.
ايىپتاۋ اكتٸنە سەيكەس سەرجانت ساربازدار جاتقان بٶلمەگە كٸرٸپ, ٷشەۋٸن جۇدىرىقپەن باسىنان ۇرىپ جٸبەرگەن. وعان ساربازداردىڭ بٸرٸ كازارما دەلٸزٸندە رۇقساتسىز جٷرگەنٸ سەبەپ بولىپتى-مىس.
تاعى بٸر جاعدايدا سەرجانت ساربازداردىڭ "ناسىباي" قولدانىپ وتىرعانىن بايقاپ, ٷشەۋٸن بەتٸنەن سالىپ, تاعى ەكەۋٸنٸڭ باسىنان ۇرعان.
سەرجانت "قىزمەت بابىن اسىرا پايدالانۋ" بابى بويىنشا سوتقا تارتىلدى. ول بار كٸنەسٸن مويىنداعانىمەن سوققى جەگەن ساربازداردىڭ ارقاسىندا جازادان قۇتىلىپ كەتكەن. التى سارباز سەرجانتقا ەشقانداي نارازىلىعى جوعىن ايتىپ, ونى ەكٸ جاقتىڭ تاتۋلاسۋىنا بايلانىستى قىلمىستىق جاۋاپكەرشٸلٸكتەن بوساتۋدى سۇرادى.
سوت ولاردىڭ ٶتٸنٸشٸن قاناعاتتاندىرعان: 27 جاستاعى سەرجانت جازادان قۇتىلىپ كەتتٸ.
ايتا كەتەيٸك, ەلٸمٸزدە ساربازداردىڭ ەلٸمجەتتٸك كٶرٸپ, تاياق جەۋٸ جيٸلەگەن. مىسالى ەسكەردە جٷرٸپ, قاتتى جاراقات العان سارباز ەربايان مۇحتاردىڭ جاعدايى قازاقستاندىقتارعا مەلٸم.
ەسكەردە جٷرگەندە باس-مي جاراقاتىن الىپ, كوماعا تٷسكەن ەربايان مۇحتاردى جاقىندارى ەمدەتۋ ٷشٸن تٷركيياعا الىپ كەتتٸ. بۇل تۋرالى وتباسىنىڭ قورعاۋشىسى ينگا يمانباي مەلٸمدەدٸ.
"ەربايان ىستامبۇلعا جولعا شىقتى. ۇشاق بٷگٸن تاڭعى سەگٸزدە استانادان ۇشتى. بۇل كٷنگە جەتۋ دە وڭايعا سوققان جوق. توقتاۋسىز كٷرەس, تالماي ەڭبەكپەن كەلدٸ. باستىسى - كەڭپەيٸل حالقىمىزدىڭ مەيٸرٸمٸ مەن جاناشىرلىعىنىڭ جەمٸسٸ. ەربايان, مىقتى بول! بۇل جارتىلاي جەڭٸس! بۇيىرسا, ٷلكەن جەڭٸستەر الدا. سەنٸڭ بار ٶمٸرٸڭ الدا. امان-ەسەن ەلگە ٶز اياعىڭمەن ورالۋىڭدى كٷتەمٸز”, - دەدٸ ول.
بۇعان دەيٸن قازاقستاندىقتار ەسكەردە مٷگەدەك بولىپ قالعان سارباز ەربايان مۇحتارعا 140 ملن جيناپ بەرگەن ەدٸ. بۇل تۋرالى ەرباياننىڭ جاقىندارى ساربازعا اشىلعان پاراقشادا حابارلادى.
ەربايان بىلتىر جەلتوقسان ايىندا كوماعا تٷستٸ.
