سونىمەن قاتار جاڭا بيزنەس-يدەيالارعا مەملەكەتتىك گرانتتار بەرۋ بويىنشا 28 كاسىپكەر 96،3 ملن تەڭگە الدى.
2022 جىلعا كاسىپكەرلىكتى دامىتۋ جونىندەگى ۇلتتىق جوبا اياسىندا 11،6 ملرد تەڭگە ءبولىندى. وسى قاراجاتقا اعىمداعى جىلدىڭ قاڭتار-تامىز ايلارىندا 16،4 ملرد تەڭگە نەسيەنىڭ جالپى سوماسىنا 663 جوبا قولداۋ تاۋىپ، 186 جاڭا جۇمىس ورنى قۇرىلىپ، 117 جۇمىس ورنى ساقتالدى.
ونىڭ ىشىندە سىياقى مولشەرلەمەسىنىڭ ءبىر بولىگىن سۋبسيديالاۋ بويىنشا 13،2 ملرد.تەڭگە نەسيەگە 314 جوبا، 6،3 ملرد تەڭگە سوماسىنا 349 جوباعا كەپىلدىك بەرۋ بويىنشا قولداۋ كورسەتىلدى.
كاسىپكەر سالتانات برالينا جوعارىدا اتالعان باعدارلامالار اياسىندا "قايتا وڭدەلەتىن شيكىزاتتى جيناۋ جانە ساتۋ" جوباسىن ىسكە اسىرۋعا قارجى الدى. ECO Waste Aqtau كومپانياسى 5 جىل بويى اقتاۋ قالاسىندا قايتا وڭدەلەتىن شيكىزات جيناۋمەن اينالىسادى.
![](/uploads/images/20240127172900434.jpg)
كومپانيا ديرەكتورىنىڭ ايتۋىنشا، 5 جىل ىشىندە ولار وڭدەۋگە 5 مىڭ توننادان استام شيكىزات جىبەرگەن.
نۇرسەيىت وركەن – جاس كاسىپكەر، بالا كەزىنەن ونەرگە قىزىعۋشىلىق تانىتىپ، زەرگەرلىك بۇيىمدار جاساۋمەن اينالىسادى. 2019 جىلى ول "بيزنەستىڭ جول كارتاسى" مەملەكەتتىك باعدارلاماسى اياسىندا كونكۋرسقا قاتىسىپ، 2،5 ميلليون تەڭگە كولەمىندە گرانت ۇتىپ الدى.
ول وسى سوماعا زەرگەرلىك بۇيىمدار جاساۋعا ارنالعان جابدىقتى ساتىپ الدى. بۇگىنگى تاڭدا نۇرسەيت وركەن ءتۇرلى مەتالداردان ساپالى سىرعالار، ساقينالار، القالار جاساپ شىعارادى. جاس كاسىپكەردىڭ ايتۋىنشا، ول رەسەي مەن ۋكراينادان كەلگەن زەرگەرلەردىڭ 3D مودەلدەرىنە تاپسىرىس قابىلدايدى.
اقتاۋ قالاسىنىڭ تاعى ءبىر كاسىپكەرى مۇرات توقايەۆ 2021 جىلى "بيزنەستىڭ جول كارتاسى" مەملەكەتتىك باعدارلاماسى بويىنشا سۋبسيديا العان. اعىمداعى جىلى ول ءوزىنىڭ "Dental art studio By Turan Akhmetov" كلينيكاسىن اشتى. كلينيكا ەڭ زاماناۋي تەحنولوگيالارمەن جابدىقتالعان، وندا ستوماتولوگيالىق ميكروسكوپ، 3D-توموگراف جانە بارلىق قاجەتتى جابدىقتار بار. سونىمەن قاتار، وسى كلينيكادا 25-تەن استام جۇمىس ورنى قۇرىلدى.
![](/uploads/images/20240127172900925.jpg)
"تۇز ۇڭگىرى" – بۇل قابىرعالارى مەن ەدەندەرى تۇز بلوكتارىمەن جابدىقتالعان بولمە. مۇنداي بولمەلەر ەمدىك ماقساتتا قولدانىلادى. ول جەردە ەمدەلۋشى پايدالى ميكروەلەمەنتتەرمەن قانىققان اۋانى جۇتىپ، ەم الادى. ەڭ الدىمەن، تۇز ۇڭگىرى بالالار مەن قارت ادامدارعا پايدالى، ويتكەنى ونداعى اۋانى ينگالياسيالاۋ يممۋنيتەتتى قالپىنا كەلتىرەدى جانە نىعايتادى، قان قىسىمىن قالىپقا كەلتىرەدى جانە جۇرەك-قان تامىرلارى جۇيەسىنە وڭ اسەر ەتەدى.
![](/uploads/images/20240127172901370.jpg)
سونىمەن قاتار اعىمداعى جىلدىڭ ماۋسىم-شىلدە ايلارىندا ۇلتتىق جوبا اياسىندا جاڭا بيزنەس-يدەيالاردى ىسكە اسىرۋعا ارنالعان مەملەكەتتىك گرانتتاردىڭ كونكۋرستىق كوميسسياسى ءوتتى. وتىنىمدەردى قابىلداۋ تۋرالى حابارلاندىرۋ الەۋمەتتىك جەلىلەردە جاريالاندى.
كونكۋرستىق كوميسسياعا بارلىعى 20 ملن. تەڭگە سوماسىنا 167 جەكە كاسىپكەر قاتىستى. 4 كاسىپكەر 5 ملن.تەڭگە كولەمىندە مەملەكەتتىك گرانتتى جەڭىپ الدى.
گرانت الۋعا ۇمىتكەرلەردىڭ وتىنىمدەرى "Qoldau.kz." ەلەكتروندىق ۆەب-پورتال ارقىلى جىبەرىلدى، كوميسسيا مۇشەلەرى جەكە كابينەتتەردە داۋىس بەردى. ۇمىتكەرلەردىڭ وتىنىمدەرىن ىرىكتەۋ جونىندەگى كونكۋرستىق كوميسسيانىڭ قۇرامىنا 9 كوميسسيا مۇشەسى تاعايىندالدى جانە بەكىتىلدى.