«قازترانسويل» اق ماڭعىستاۋ وبلىسىنداعى «جەتٸباي» جەنە «قاراجانباس» مۇناي تاسىمالداۋ ستانتسييالارىندا ٶندٸرٸستٸك ينفراقۇرىلىمدى جاڭعىرتۋ جوبالارىن اياقتاپ, نىسانداردى پايدالانۋعا بەردٸ, دەپ حابارلايدى Dalanews.kz.
كومپانييا مەلٸمەتٸنشە, اتالعان جوبالار ەكولوگييالىق تەۋەكەلدەردٸ ازايتۋعا, ٶندٸرٸستٸك قاۋٸپسٸزدٸكتٸ ارتتىرۋعا جەنە مۇناي تاسىمالداۋ جٷيەسٸنٸڭ تۇراقتى جۇمىسىن قامتاماسىز ەتۋگە باعىتتالعان.
«جەتٸباي» ستانتسيياسىندا مۇنايدى قاۋٸپسٸز ساقتاۋ مەن تاسىمالداۋعا ارنالعان جاڭارتىلعان رەزەرۆۋار پاركٸ ٸسكە قوسىلدى. رەزەرۆۋارلارعا پونتوندار ورناتىلىپ, مۇنايدىڭ بۋلانۋىنان تۋىندايتىن شىعارىندىلاردى ازايتۋ كٶزدەلگەن. نىسان قۇرامىنا ەرقايسىسى 10 مىڭ تەكشە مەترلٸك ەكٸ بولات رەزەرۆۋار, ٶرت سٶندٸرۋ جٷيەسٸ, سۋ قورى ساقتالاتىن تەمٸربەتون رەزەرۆۋارلار مەن تەحنولوگييالىق قۇبىرلار كٸرەدٸ. سونىمەن قاتار ەلەكترمەن جابدىقتاۋ, جارىقتاندىرۋ جەنە ٶرتكە قارسى جٷيەلەر جاڭارتىلعان.
ال «قاراجانباس» ستانتسيياسىندا ەلەكترمەن جابدىقتاۋ جٷيەسٸ قايتا قۇرىلدى. زاماناۋي ەنەرگوبلوك ورناتىلىپ, رەزەرۆتٸك قورەك كٶزٸ قامتاماسىز ەتٸلدٸ. جوبانى ٸسكە اسىرۋ بارىسىندا 42 ەلەكترجەتەك اۋىستىرىلىپ, جالپى ۇزىندىعى 152 شاقىرىم بولاتىن جاڭا كابەلدەر تارتىلعان.
كومپانييا بۇل ٶزگەرٸستەر ستانتسييالاردىڭ قاۋٸپسٸزدٸگٸن ارتتىرىپ, تەحنولوگييالىق تەۋەكەلدەردٸ تٶمەندەتۋگە مٷمكٸندٸك بەرەدٸ دەپ وتىر.
