امال مەرەكەسٸ جىل ٶتكەن سايىن تانىمال بولىپ كەلەدٸ. «وتپان تاۋ» تاريحي-مەدەني كەشەنٸندە تٷركييا, ەزەربايجان جەنە ٶزبەكستاننان كەلگەن قوناقتاردى قوسقاندا 10 مىڭنان استام ادامنىڭ قاتىسۋىمەن امال مەرەكەسٸ تويلاندى.
قوناقتاردى قارسى الىپ, مەرەكەمەن قۇتتىقتاۋعا ماڭعىستاۋ وبلىسىنىڭ ەكٸمٸ نۇرلان نوعاەۆ, مەملەكەت جەنە قوعام قايراتكەرٸ ەرلان قوشانوۆ, ايتىسكەر اقىن امانجول التاي, رينات زايىتوۆ, سونداي-اق بيىل مەرەكەنٸ ۇيىمداستىرۋشىلاردىڭ بٸرٸ – «توبىش – اتانىڭ» ۇرپاعى قالنيياز وڭداباەۆ كەلدٸ.
ٶڭٸر باسشىسى نۇرلان نوعاەۆ 14 ناۋرىز بٸرلٸكتٸ, مەيٸرٸمدٸلٸكتٸ, تاتۋلىق پەن ىنتىماقتى بٸلدٸرەتٸن كٷنگە اينالعانىن اتاپ ٶتتٸ.
– كەڭٸنەن تويلاناتىن امال مەرەكەسٸ حالىق بٸرلٸگٸنٸڭ سيمۆولىنا اينالدى. بٷگٸندە ماڭعىستاۋلىقتار عانا ەمەس, الىس-جاقىن شەتەلدەردەن كەلگەن مەرتەبەلٸ مەيماندار دا بٸزبەن بٸرٸگۋدە. تٷركييادان, ەزەربايجاننان, قىرعىزستاننان, ٶزبەكستاننان كەلگەن عالىمدار مەن كٶرنەكتٸ قايراتكەرلەر مەدەنيەتٸمٸزدٸڭ الۋان تٷرلٸلٸگٸن اتاپ ٶتتٸ. مەملەكەت باسشىسى قاسىم-جومارت توقاەۆ اتاپ ٶتكەندەي, ەل ەجەلدەن بۇل كٷندٸ اسىعا كٷتەدٸ, ال بٸرلٸك پەن كەلٸسٸمگە شاقىراتىن مەرەكە حالقىمىزدىڭ دەستٷرلٸ جاۋاپكەرشٸلٸگٸنٸڭ جارقىن كٶرٸنٸسٸ, – دەدٸ نۇرلان نوعاەۆ.
مەملەكەت جەنە قوعام قايراتكەرٸ ەرلان قوشانوۆ تا بارشا ماڭعىستاۋلىققا العىس ايتىپ, امال مەرەكەسٸمەن قۇتتىقتادى.
– بۇل كٷندەرٸ ەسكٸ رەنٸشتەردٸ كەشٸرۋ, ٶزگەگە مەيٸرٸمدٸلٸك تانىتۋ ەدەتكە اينالعان. بارشاڭىزعا ۇزاق عۇمىر, اماندىق, مىزعىماس بٸرلٸك, تەۋەلسٸزدٸگٸمٸز مەڭگٸلٸك بولسىن دەپ تٸلەيمٸن, – دەدٸ ەرلان قوشانوۆ.
مەرەكە ٷشٸن كيٸز ٷيلەر تٸگٸلٸپ, بارلىق قوناققا دەستٷرلٸ تاعامدار ۇسىنىلدى. جينالعان حالىق كونتسەرتتٸك باعدارلامادان بٶلەك, ات بەيگەسٸن, قازاق كٷرەسٸ مەن ۇلتتىق سپورتتىڭ باسقا دا تٷرلەرٸن تاماشالادى. سونىمەن قاتار امال مەرەكەسٸنە وراي حالىقارالىق كونفەرەنتسييا ٶتتٸ. كونفەرەنتسيياعا ەزەربايجان, تٷركييا, ٶزبەكستاننان كەلگەن عالىم-تاريحشىلار بەلسەندٸ قاتىستى.
كونفەرەنتسييا مەرەكەنٸ ٶتكٸزۋدٸڭ ەرەكشەلٸكتەرٸنە نەگٸزدەلدٸ, عالىمدار تٷركٸ ەلدەرٸندەگٸ ناۋرىز مەرەكەسٸن تويلاۋ دەستٷرلەرٸنە توقتالدى.
مۇحاممەد فيزۋلي اتىنداعى ەزەربايجان ۇلتتىق عىلىم اكادەميياسى قولجازبالار ينستيتۋتىنىڭ عىلىمي قىزمەتكەرٸ, دوتسەنت جەنە پروفەسسور نەزاكەت مەممەدلي ناۋرىز مەيرامى ەزەربايجان حالقىنىڭ ەڭ كٶنە, ەڭ سٷيٸكتٸ مەرەكەلەردٸڭ بٸرٸ ەكەنٸن ايتتى.
ونىڭ ايتۋىنشا, ناۋرىز مەرەكەسٸنٸڭ ەرەكشەلٸگٸ – جانىپ تۇرعان وتتىڭ ٷستٸنەن سەكٸرۋ. وتتان سەكٸرۋ ارقىلى بارلىق جاماندىق پەن سەتسٸزدٸك جويىلادى دەپ سەنگەن. سونداي-اق ولار مەرەكەدە تۇرعىندار ەن ايتىپ, حالىق اسپاپتارىندا وينايدى.
تٷركيياداعى «بايرام ۆەلي» ۋنيۆەرسيتەتٸ جەنە «قاجى بەكتاش ۆەلي» زەرتتەۋ ورتالىعىنىڭ ديرەكتورى احمەت تاشعىن امال مەرەكەسٸ «قايدان شىقتى, نە ٷشٸن ويلاپ تابىلدى?» دەگەن سۇراقتار تٶڭٸرەگٸندە تولعانعانىن اتاپ ٶتتٸ.
– مەرەكەنٸڭ تاريحىن زەرتتەي كەلە, تٷرٸك پەن قازاق مەدەنيەتٸ ٶتە ۇقساس دەگەن قورىتىندى جاساۋعا بولادى. جاھاندانۋ ٷردٸسٸ كەيبٸر ۇلتتىق دەستٷرلەرٸمٸزدٸ جويىپ جاتقانداي. بٸزدٸڭ مٸندەتٸمٸز – بارلىق ۇلتتىق قۇندىلىعىمىزدى جاس ۇرپاققا جەتكٸزۋ, – دەيدٸ پروفەسسور احمەت تاشعىن.
امال مەرەكەسٸ اياسىندا «وتپان تاۋ» تاريحي-مەدەني كەشەنٸندە اداي اتا رۋحىنا قۇران باعىشتاۋ رەسٸمٸ ٶتتٸ.
سالتاناتتى شارا بارىسىندا توبىش اتا ۇرپاقتارى مۇڭال اتا ۇرپاقتارىنا دەستٷرلٸ بٸرلٸك الاۋىن تابىستادى.
