سالتاناتتى جيىندا سٶز سٶيلەگەن اقپارات جەنە قوعامدىق دامۋ مينيسترٸ دارحان قىدىرەلٸ: «مەملەكەت باسشىسى قاسىم-جومارت كەمەلۇلى توقاەۆتىڭ «ەلدٸڭ كيەسٸن ساقتاعان, ۇلتتىق دەستٷردٸڭ ٶزەگٸن جالعاعان ماڭعىستاۋ ٶڭٸرٸ ەرقاشان ەلدٸكتٸڭ تٸرەگٸ بولادى» دەگەن سٶزٸ مايلى قيياننىڭ تاريحى مەن تاعىلىمىنا شىن ىقىلاس پەن قۇرمەتتەن تۋسا كەرەك. سوندىقتان ماڭعىستاۋ ٶنبەيتٸن تٸرلٸكتٸڭ ەمەس, ٶلمەيتٸن بٸرلٸكتٸڭ ٶنەگەلٸ بەسٸگٸ. تٶرت بٸردەي مەرەيتويدى اتاپ ٶتٸپ جاتقان وسى ماڭعاز مەكەننٸڭ تٶرت قۇبىلاسى تٷگەل بولسىن!», دەدٸ مينيستر.
سونىمەن بٸرگە د.قىدىرەلٸ: «ەلٸمٸزدەگٸ ۇلتتىق باق-تىڭ اتاسى «قازاق» گازەتٸ ەكەنٸ بەلگٸلٸ. «ماڭعىستاۋ» گازەتٸ دە سول «قازاقتىڭ» جولىن قۋعان ٸزباسارىنىڭ بٸرٸ. بٸز بيىل سول «قازاق» گازەتٸ جارىق كٶرگەن 2 اقپاندى ۇلتتىق باسىلىم كٷنٸ دەپ جارييالاۋ تۋرالى ۇسىنىس بەردٸك. ٶڭٸردٸڭ اتىن يەلەنٸپ وتىرعان ماڭعىستاۋ باسىلىمىنا دا سول «قازاقتىڭ» جولىن تٸلەيمٸز», دەدٸ.
- بٷگٸنگٸدەي الاساپىران اقپاراتتا, جاڭالىعى مىڭ قۇبىلعان زاماندا باسپاسٶز قىزمەتٸنٸڭ ماڭىزى اسا زور. سونىڭ ٸشٸندە اقپارات جەنە ناسيحات قۇرالى رەتٸندە گازەتتٸڭ ورنى بٶلەك. الاش ارداقتىسى مٸرجاقىپ دۋلاتۇلى «قاي جۇرتتىڭ باسپاسٶزٸ مىقتى بولسا, سول ەلدٸڭ ٶزٸ دە كٷشتٸ», دەگەن ەكەن. وسى ورايدا گازەتتەردٸڭ ىقپالىن ارتتىرۋ, جۋرناليستەردٸڭ مەرتەبەسٸن كٶتەرۋ مەسەلەسٸ دە نازاردان تىس قالماۋى كەرەك. ماڭعىستاۋدىڭ باسپاسٶز-اقپاراتىنىڭ قۋاتى ارتىپ, مەديا ورتالىقتارىڭىز ٶركەندەي بەرسٸن! قالام ۇستاعان قاۋىمعا شىعارماشىلىق شابىت, بارشاڭىزعا تولاعاي تابىس تٸلەيمٸن!», دەدٸ نۇرلان نوعاەۆ.
ٸس-شاراعا پارلامەنت سەناتى جەنە مەجٸلٸسٸنٸڭ دەپۋتاتتارى مەن قالامگەرلەر قاتىستى.
