Saltanatty jiynda sóz sóilegen Aqparat jáne qoǵamdyq damý ministri Darhan Qydyráli: «Memleket basshysy Qasym-Jomart Kemeluly Toqaevtyń «Eldiń kiesin saqtaǵan, ulttyq dástúrdiń ózegin jalǵaǵan Mańǵystaý óńiri árqashan eldiktiń tiregi bolady» degen sózi maily qiiannyń tarihy men taǵylymyna shyn yqylas pen qurmetten týsa kerek. Sondyqtan Mańǵystaý ónbeitin tirliktiń emes, ólmeitin birliktiń ónegeli besigi. Tórt birdei mereitoidy atap ótip jatqan osy mańǵaz mekenniń tórt qubylasy túgel bolsyn!», dedi ministr.
Sonymen birge D.Qydyráli: «Elimizdegi ulttyq BAQ-tyń atasy «Qazaq» gazeti ekeni belgili. «Mańǵystaý» gazeti de sol «Qazaqtyń» jolyn qýǵan izbasarynyń biri. Biz biyl sol «Qazaq» gazeti jaryq kórgen 2 aqpandy Ulttyq basylym kúni dep jariialaý týraly usynys berdik. Óńirdiń atyn ielenip otyrǵan Mańǵystaý basylymyna da sol «Qazaqtyń» jolyn tileimiz», dedi.
- Búgingidei alasapyran aqparatta, jańalyǵy myń qubylǵan zamanda baspasóz qyzmetiniń mańyzy asa zor. Sonyń ishinde aqparat jáne nasihat quraly retinde gazettiń orny bólek. Alash ardaqtysy Mirjaqyp Dýlatuly «Qai jurttyń baspasózi myqty bolsa, sol eldiń ózi de kúshti», degen eken. Osy oraida gazetterdiń yqpalyn arttyrý, jýrnalisterdiń mártebesin kóterý máselesi de nazardan tys qalmaýy kerek. Mańǵystaýdyń baspasóz-aqparatynyń qýaty artyp, media ortalyqtaryńyz órkendei bersin! Qalam ustaǵan qaýymǵa shyǵarmashylyq shabyt, barshańyzǵa tolaǵai tabys tileimin!», dedi Nurlan Noǵaev.
Is-sharaǵa Parlament Senaty jáne Májilisiniń Depýtattary men qalamgerler qatysty.
