ماڭعىستاۋ وبلىسىندا بالىق تۇرلەرىن كوبەيتۋ جانە اكۆاشارۋاشىلىق الەۋەتىن كەڭەيتۋ ماقساتىندا جاڭا جوبالار قولعا الىنىپ جاتىر، دەپ حابارلايدى Dalanews.kz.
ماڭعىستاۋ وبلىسى اكىمىنىڭ ورىنباسارى اسقار قانىبەكوۆ ءوڭىر باسشىسى نۇرداۋلەت قيلىبايدىڭ تاپسىرماسىنا سايكەس بالىق شارۋاشىلىعى باسقارماسىنا قاراستى مەكەمەلەردىڭ قىزمەتىمەن جانە سالاداعى يننوۆاسيالىق جوبالاردىڭ جۇزەگە اسىرىلۋ بارىسىمەن تانىستى.
ماڭعىستاۋ ءوڭىرى كاسپيي تەڭىزى جاعالاۋىندا ورنالاسقاندىقتان، بالىق شارۋاشىلىعى بۇل ايماق ءۇشىن ستراتەگيالىق ماڭىزعا يە. دەگەنمەن، ايماقتا نەگىزىنەن بەكىرە تۇقىمداس بالىقتاردى ءوسىرۋ قالىپتاسقان. بالىق تۇرلەرىن كوبەيتۋ جانە اكۆاشارۋاشىلىق الەۋەتىن كەڭەيتۋ ماقساتىندا جاڭا جوبالار قولعا الىنىپ جاتىر.
سونىڭ ءبىرى – اقتاۋ قالاسىنداعى «سۇلتان اگرو» ج ش س جىلىجاي كەشەنىندە ىسكە اسىرىلىپ جاتقان «كاسپيي البىرت (كاسپييسكيي لوسوس) تۇقىمداس بالىعىنىڭ انالىق ءۇيىرىن قالىپتاستىرۋ جانە ينكۋباسيالىق سەح قۇرۋ» جوباسى. ققەا قولداۋىمەن جۇزەگە اسىپ جاتقان بۇل باستاما وڭىردەگى اكۆاوندىرىستىڭ دامۋىنا سەرپىن بەرىپ، بالىق شارۋاشىلىعى سالاسىن جاڭا دەڭگەيگە كوتەرۋگە باعىتتالعان.
ءارى قاراي اسقار قانىبەكوۆ ماڭعىستاۋ وبلىسى بالىق شارۋاشىلىعى باسقارماسىنىڭ «جانۋارلار دۇنيەسىن قورعاۋ جونىندەگى قىزمەت» كوممۋنالدىق مەكەمەسىنە باردى. بۇل مەكەمە بالىق شارۋاشىلىعى سۋ ايدىندارى مەن ۋچاسكەلەرىنىڭ رەزەرۆتىك قورىن قورعاۋ، سونداي-اق جانۋارلار دۇنيەسىن ساقتاۋ جانە ءتيىمدى پايدالانۋ شارالارىن ۇيىمداستىرۋمەن اينالىسادى. ولار ەكولوگيالىق تۇراقتىلىقتى ساقتاۋ باعىتىندا ءتۇرلى ءىس-شارالاردى جۇزەگە اسىرۋدا.
جۇمىس ساپارى بارىسىندا وبلىس اكىمىنىڭ ورىنباسارى سالا ماماندارىمەن كەزدەسىپ، وڭىردەگى بالىق شارۋاشىلىعىن دامىتۋعا قاتىستى وزەكتى ماسەلەلەر مەن الداعى جوسپارلاردى تالقىلادى.
