دا وتكەن بريفينگتە «الەۋمەتتىك مەديسينالىق ساقتاندىرۋ قورى» كەاق ماڭعىستاۋ وبلىسى بويىنشا فيليالى مەديسينالىق قىزمەت ساپاسىن باقىلاۋ ءبولىمىنىڭ باسشىسى مادينا باسپايەۆا ءمالىم ەتتى.
– بۇگىندە جوسپار بويىنشا مونيتورينگتىك توپپەن بىرگە 25 مەديسينالىق ۇيىمعا باقىلاۋ جۇرگىزىلدى. تەكسەرىس بارىسىندا قۇجاتتاردىڭ تولىق جۇرگىزىلمەۋى، قىزمەتتى ۇزاق الۋ، ەمدىك شارالاردىڭ تالاپقا ساي ەمەستىگى انىقتالدى. ولقىلىقتىڭ ورنىن تولتىرۋ ءۇشىن مەديسينالىق ۇيىمدارعا 45 كۇن بەرىلەدى. كەمشىلىك جويىلماسا ءتيىستى شارالار قولدانىلادى، – دەدى «الەۋمەتتىك مەديسينالىق ساقتاندىرۋ قورى» كەاق ماڭعىستاۋ وبلىسى بويىنشا فيليالى مەديسينالىق قىزمەت ساپاسىن باقىلاۋ ءبولىمىنىڭ باسشىسى مادينا باسپايەۆا.
ايتا كەتەيىك، قوردا مەديسينالىق كومەكتىڭ ساپاسىن ارتتىرۋ ماقساتىندا ساراپشىلىق كەڭەس جۇمىس ىستەيدى. بۇدان بولەك ءاربىر ۇيىمدا ناۋقاستاردى قولداۋ مەن ىشكى اۋديت قىزمەتى بار. مۇندا ناۋقاستارعا كورسەتىلەتىن مەديسينالىق كومەك ءتارتىبىنىڭ جاي كۇيى انىقتالادى.
ەگەر ناۋقاس كورسەتىلگەن مەديسينالىق كومەككە قاناعاتتانباي جاۋاپتى قىزمەتكەر تاراپىنان دورەكىلىك قاتىناس نە بولماسا تەگىن مەديسينالىق كومەك ءۇشىن اقشا تالاپ ەتۋ سەكىلدى جايتتەر ورىن السا، ماسەلەنى تەز ارادا قاراستىرۋعا جۇمىستانادى.
