مەملەكەتتىك ساتىپ الۋلار سايتىندا ماڭعىستاۋ وبلىسى اكىمدىگىنىڭ اكىمشىلىگى جالپى قۇنى شامامەن 102 ميلليون تەڭگەگە جەتى كروسسوۆەر ساتىپ الماق دەگەن اقپارات تارادى، دەپ حابارلايدى Dalanews.kz Lada.kz-كە سىلتەپ.
قازاقستان رەسپۋبليكاسىنىڭ مەملەكەتتىك ساتىپ الۋ سايتىندا «ماڭعىستاۋ وبلىسى اكىمدىگىنىڭ اپپاراتى» كوممۋنالدىق مەملەكەتتىك مەكەمەسى كولىك قۇرالدارىن ساتىپ الۋعا كونكۋرس جاريالاعانى تۋرالى حابارلاندى. ءبىر وتىنىشتە ەكى لوت كورسەتىلگەن: بىرىنشىسىندە 18 990 000 تەڭگەگە ءبىر اۆتوكولىك ساتىپ الۋ قاراستىرىلعان، ەكىنشىسىندە 83 340 000 تەڭگەگە (بىرلىگىنە 13 890 000) التى اۆتوكولىك ساتىپ الۋ قاراستىرىلعان.
جالپى، شەنەۋنىكتەر بۇل ماقساتتارعا بيۋدجەتتەن 102 ميلليون 330 مىڭ تەڭگە بولۋگە دايىن. كونكۋرسقا قاتىسۋعا وتىنىمدەردى قابىلداۋ 2025 جىلدىڭ 24 اقپانىندا باستالىپ، 3 ناۋرىزدا تاڭعى ساعات 9-دا اياقتالادى.
