"اينالىمعا ءوزىمىز دايىنداعان QazVac پرەپاراتىمەن بىرگە بىرنەشە ۆاكسينا ءتۇستى. ەلدەردىڭ كوبىندە مۇنداي مۇمكىندىك ءالى جوق. ءبىراق قولجەتىمدى ۆاكسينالاردىڭ جيىنتىعىن، سونىڭ ىشىندە حالىقارالىق دەڭگەيدە مويىندالعان ۆاكسينالاردى كەڭەيتۋ قاجەت. بۇل جەردە جاڭا شتامداردىڭ پايدا بولعانىن، سونداي-اق، پرەپاراتتاردىڭ باعا جانە ساپالىق ولشەمدەرىن ەسكەرۋ قاجەت"، - دەدى پرەزيدەنت ۇكىمەتتىڭ كەڭەيتىلگەن وتىرىسىندا.
مەملەكەت باسشىسى بۇل تۋرالى بىلتىر تاپسىرما بەرگەنىن ەسكە سالىپ، سول تاپسىرمانىڭ ورىندالۋىن كەشىكتىرگەن ادامدارعا شارا قولدانۋدى تاپسىردى.
"بىلتىر مەن ءتيىستى تاپسىرمالار بەرگەن بولاتىنمىن. دەگەنمەن Pfizer ۆاكسيناسىن بەلگىلەنگەن كومپانيالارعا جەتكىزۋ ورتا جولدان ءۇزىلدى.
انىقتاما رەتىندە مىنانى ايتا الامىن. كەلىسىم بويىنشا قازاقستانعا بيىل مامىر ايىندا Pfizerء-دىڭ 2 ملن دوزاسى جەتۋى كەرەك بولعان.
ۇكىمەت پرەپاراتتى جەتكىزۋدىڭ ءۇزىلۋىن Pfizer كومپانياسىنىڭ شارتتارىمەن بايلانىستىرىپ وتىر. ءبىراق بۇل شارتتار ۆاكسينا ساتىپ الاتىن بۇكىل ەلدەر ءۇشىن ستاندارتتى بولىپ ەسەپتەلەدى"، - دەگەن قاسىم-جومارت توقايەۆ بۇل ءىس اياعىنا دەيىن جەتۋ ءۇشىن ارنايى جارلىققا قول قويۋعا دايىن ەكەنىن اتادى.
"جۋىقتا بۇكىل ارەكەتتەر الگورتيمى كورسەتىلگەن تاعى ءبىر جاڭا ۇسىنىس كەلىپ ءتۇستى. مەملەكەت باسشىسى، پرەزيدەنت ءتيىستى جارلىققا قول قويۋى كەرەك دەپ وتىر. قاجەت بولسا، مەن سولاي ىستەۋگە دايىنمىن. ۇكىمەت پەن پرەزيدەنت اكىمشىلىگىنە قالىپتاسقان جاعدايدى انىقتاپ، اتالمىش قاجەتتى پرەپاراتتىڭ جەتكىزىلۋىن كەشىكتىرگەن لاۋازىمدى تۇلعالارعا قاتىستى شارا قولدانۋدى تاپسىرامىن. ءبىز ازاماتتارعا قاتىستى ۇسىنىستارىمىزدى ءارتاراپتاندىرۋىمىز كەرەك. بالكىم كەيبىر ازاماتتار ءدال وسى ۆاكسينانى قابىلداعىسى كەلەتىن شىعار. سوندىقتان مۇنداي ازاماتتارعا مۇمكىندىك بەرىڭىزدەر. پروبلەمانى قىسقا مەرزىمدە شەشىپ، Pfizer ۆاكسيناسىن قازاقستاندىقتارعا قولجەتىمدى ەتۋ كەرەك"، - دەدى مەملەكەت باسشىسى.
