"Ainalymǵa ózimiz daiyndaǵan QazVac preparatymen birge birneshe vaktsina tústi. Elderdiń kóbinde mundai múmkindik áli joq. Biraq qoljetimdi vaktsinalardyń jiyntyǵyn, sonyń ishinde halyqaralyq deńgeide moiyndalǵan vaktsinalardy keńeitý qajet. Bul jerde jańa shtamdardyń paida bolǵanyn, sondai-aq, preparattardyń baǵa jáne sapalyq ólshemderin eskerý qajet", - dedi prezident úkimettiń keńeitilgen otyrysynda.
Memleket basshysy bul týraly byltyr tapsyrma bergenin eske salyp, sol tapsyrmanyń oryndalýyn keshiktirgen adamdarǵa shara qoldanýdy tapsyrdy.
"Byltyr men tiisti tapsyrmalar bergen bolatynmyn. Degenmen Pfizer vaktsinasyn belgilengen kompaniialarǵa jetkizý orta joldan úzildi.
Anyqtama retinde mynany aita alamyn. Kelisim boiynsha Qazaqstanǵa biyl mamyr aiynda Pfizer-diń 2 mln dozasy jetýi kerek bolǵan.
Úkimet preparatty jetkizýdiń úzilýin Pfizer kompaniiasynyń sharttarymen bailanystyryp otyr. Biraq bul sharttar vaktsina satyp alatyn búkil elder úshin standartty bolyp esepteledi", - degen Qasym-Jomart Toqaev bul is aiaǵyna deiin jetý úshin arnaiy jarlyqqa qol qoiýǵa daiyn ekenin atady.
"Jýyqta búkil áreketter algortimi kórsetilgen taǵy bir jańa usynys kelip tústi. Memleket basshysy, prezident tiisti jarlyqqa qol qoiýy kerek dep otyr. Qajet bolsa, men solai isteýge daiynmyn. Úkimet pen Prezident ákimshiligine qalyptasqan jaǵdaidy anyqtap, atalmysh qajetti preparattyń jetkizilýin keshiktirgen laýazymdy tulǵalarǵa qatysty shara qoldanýdy tapsyramyn. Biz azamattarǵa qatysty usynystarymyzdy ártaraptandyrýymyz kerek. Bálkim keibir azamattar dál osy vaktsinany qabyldaǵysy keletin shyǵar. Sondyqtan mundai azamattarǵa múmkindik berińizder. Problemany qysqa merzimde sheship, Pfizer vaktsinasyn qazaqstandyqtarǵa qoljetimdi etý kerek", - dedi memleket basshysy.
