مەديسينالىق مەكەمە انا مەن بالا دەنساۋلىعىن ساقتاۋدىڭ ءبىرىڭعاي ورتالىعى. ونىڭ قۇرامىنا پەدياتريالىق، نيەۆرولوگيالىق، نەيروحيرۋرگيالىق، تراۆماتولوگيالىق جانە ورتوپەديالىق، حيرۋرگيالىق بولىمدەر، سونىمەن قاتار كۇردەلى سوماتيكا، لور، كوز ميكروحيرۋرگياسى، رەانيماسيا جانە بەس زاماناۋي وپەراسيالىق بولىمشەلەر كىرەدى. سونىمەن قاتار اۋرۋحانا TRIAGE جۇيەسىنىڭ پرينسيپىنە سايكەس كەلەدى.
بۇل شۇعىل كەلگەن پاسيەنتتەردى مەديسينالىق كومەكتىڭ جەدەلدىگى بويىنشا سۇرىپتاۋعا مۇمكىندىك بەرەدى.
سونداي-اق، اۋرۋحانادا وڭالتۋ ءبولىمى دە ىسكە قسىلعان. 50 ورىندىق بولىمدە ناۋقاس بالالار تولىق رەابيليتاسيادان ءوتىپ، بىلىكتى مامانداردىڭ قاراۋىندا بولادى.
اۋرۋحانا ديرەكتورى ەرمەك وماربەكوۆتىڭ ايتۋىنشا، مەكەمەدە 5 ملرد. تەڭگەگە زاماناۋي كومپيۋتەرلىك توموگرافيا سكانەرى، سوڭعى بۋىن ساندىق رەنتگەن اپپاراتى، رەسپيراتورلىق انەستەزيا، ەندوسكوپيالىق حيرۋرگياعا ارنالعان 3D بەينە جۇيەسى جانە ميدى زەرتتەۋگە ارنالعان كوپ فۋنكسيالى كومپيۋتەرلىك كەشەن ورناتىلعان.
بۇل اپپارات لوندون، يزرايل جانە ەۋروپانىڭ ءىرى ەلدەرىندە قولدانىلادى.. مۇنىڭ ءبارى مەديسينالىق كومەكتىڭ ساپاسىن جاقسارتۋعا جانە ونىڭ قول جەتىمدىلىگىن ارتتىرۋعا مۇمكىندىك بەرەدى.
جاڭا اۋرۋحانادا 500-گە جۋىق قىزمەتكەر جۇمىس ىستەيدى.
سوڭعى ءۇش جىلدا ايماقتىق ءۇش دەڭگەيلى وقىتۋ باعدارلاماسى بويىنشا 400-دەن استام TsMiR دارىگەرى بىلىكتىلىكتەرىن جەتىلدىردى جانە الەمنىڭ جەتەكشى كلينيكالارىندا قايتا دايارلاۋدان ءوتتى.
پەدياتريا دامۋىنىڭ جاڭا كەزەڭىنىڭ ارقاسىندا ورتالىق ماماندارى بالالار نەيروحيرۋرگياسىن، كوز ميكروحيرۋرگياسىن، جاق-بەت حيرۋرگياسىن جانە وڭالتۋ قىزمەتىن ودان ءارى دامىتۋعا مۇمكىندىك الادى.
اسقار مامين وبلىستىق بالالار اۋرۋحاناسىندا بولىپ، وندا رەانيماسيا جانە وپەراسيالىق بولىمشەلەردىڭ جۇمىسىمەن تانىستى. سونىمەن قاتار، پرەمەر-مينيسترگە COVID-19 ەمدەۋ ءۇشىن يممۋندىق پلازمانى ءبولۋ تۋرالى عىلىمي جوبا، سونداي-اق جەكە قورعانىس قۇرالدارىنىڭ ۇلگىلەرى ۇسىنىلدى. ولار قحر «سينسزيان سان باو ساۋدا-وندىرىستىك كورپوراسياسى» جشس-نە جونەلتىلدى.
