Meditsinalyq mekeme ana men bala densaýlyǵyn saqtaýdyń biryńǵai ortalyǵy. Onyń quramyna pediatriialyq, nevrologiialyq, neirohirýrgiialyq, travmatologiialyq jáne ortopediialyq, hirýrgiialyq bólimder, sonymen qatar kúrdeli somatika, LOR, kóz mikrohirýrgiiasy, reanimatsiia jáne bes zamanaýi operatsiialyq bólimsheler kiredi. Sonymen qatar aýrýhana TRIAGE júiesiniń printsipine sáikes keledi.
Bul shuǵyl kelgen patsientterdi meditsinalyq kómektiń jedeldigi boiynsha suryptaýǵa múmkindik beredi.
Sondai-aq, aýrýhanada ońaltý bólimi de iske qsylǵan. 50 oryndyq bólimde naýqas balalar tolyq reabilitatsiiadan ótip, bilikti mamandardyń qaraýynda bolady.
Aýrýhana direktory Ermek Omarbekovtyń aitýynsha, mekemede 5 mlrd. teńgege zamanaýi kompiýterlik tomografiia skaneri, sońǵy býyn sandyq rentgen apparaty, respiratorlyq anesteziia, endoskopiialyq hirýrgiiaǵa arnalǵan 3D beine júiesi jáne midy zertteýge arnalǵan kóp fýnktsiialy kompiýterlik keshen ornatylǵan.
Bul apparat London, Izrail jáne Eýropanyń iri elderinde qoldanylady.. Munyń bári meditsinalyq kómektiń sapasyn jaqsartýǵa jáne onyń qol jetimdiligin arttyrýǵa múmkindik beredi.
Jańa aýrýhanada 500-ge jýyq qyzmetker jumys isteidi.
Sońǵy úsh jylda aimaqtyq úsh deńgeili oqytý baǵdarlamasy boiynsha 400-den astam TsMiR dárigeri biliktilikterin jetildirdi jáne álemniń jetekshi klinikalarynda qaita daiarlaýdan ótti.
Pediatriia damýynyń jańa kezeńiniń arqasynda Ortalyq mamandary balalar neirohirýrgiiasyn, kóz mikrohirýrgiiasyn, jaq-bet hirýrgiiasyn jáne ońaltý qyzmetin odan ári damytýǵa múmkindik alady.
Asqar Mamin oblystyq balalar aýrýhanasynda bolyp, onda reanimatsiia jáne operatsiialyq bólimshelerdiń jumysymen tanysty. Sonymen qatar, Premer-ministrge COVID-19 emdeý úshin immýndyq plazmany bólý týraly ǵylymi joba, sondai-aq jeke qorǵanys quraldarynyń úlgileri usynyldy. Olar QHR «Sintszian San Bao saýda-óndiristik korporatsiiasy» JShS-ne jóneltildi.
