ماماندىق تاڭداۋ كەز كەلگەن جاس ٷشٸن ماڭىزدى مەسەلە ەكەنٸن ەڭگٸمە باسىندا ايتتىق. ماماندىعىن دەل تاڭداپ, ٶمٸردەن اداسپاي جولىن تاپقان جاس ەل دامۋىنىڭ كەپٸلٸ ەكەنٸ سٶزسٸز. سوندىقتان قوعام بولىپ جاستاردىڭ ماماندىق تاڭداۋىنا كٶمەك كٶرسەتۋدٸڭ ماڭىزى زور.
اۋىلدى ايتپاعان كٷندە قالالى جەردەگٸ كەيبٸر اتا-انالاردىڭ ٶزٸ بالالارىنىڭ دۇرىس ماماندىق تاڭداۋى ٷشٸن قاجەتتٸ اقىل-كەڭەس بەرە المايتىنى جاسىرىن ەمەس. وسىنى جاقسى تٷسٸنگەن «ورتالىق ازيياداعى بٸلٸم بەرۋ» ورتالىعىنىڭ بەلسەندٸلەرٸ بۇل باعىتتا ارنايى جوبا دايىنداپ, جىل باسىنان بەرٸ الماتى قالاسىندا بٸرقاتار مەكتەپتەردەگٸ 9-11 سىنىپ وقۋشىلارى اراسىندا جۇمىس جٷرگٸزٸپتٸ. ٶز كەزەگٸندە ەلٸمٸزدە تابىستى جۇمىس ٸستەپ جاتقان «شەۆرون» كومپانيياسى مەسەلەنٸڭ ماڭىزىن تٷسٸنٸپ, جوباعا قولداۋ بٸلدٸرٸپتٸ.
جيىن بارىسىندا سٶز العان «ورتالىق ازييااعى بٸلٸم بەرۋ» ورتالىعىنىڭ اتقارۋشى ديرەكتورى لاريسا گوربۋنوۆا مەكتەپ بٸتٸرۋشٸ تٷلەكتەردٸڭ ماماندىق تاڭداۋدا ٶز بەتٸنشە تاڭداۋ جاساۋىنا قولداۋ كٶرسەتۋدٸڭ قاجەتتٸلٸگٸن العا تارتتى.
– قوعام دامىپ العا وزعان سايىن, ٶمٸرٸمٸز كٷردەلەنٸپ, كٷن سايىن نەشە تٷرلٸ ماماندىقتار پايدا بولىپ جاتىر. ولاردىڭ بەرٸن مەكتەپ بٸتٸرۋشٸ تٷلەكتەر بٸلمەيدٸ. بٸز 9-11 سىنىپ وقۋشىلارىن ەڭگٸمەگە تارتقانىمىزدا, ولار ۇلتتىق بٸرىڭعاي تەست تٶرتٸنشٸ پەندٸ تاڭداعان كەزٸندە ماماندىق تاڭداۋ مەسەلەسٸمەن بەتپە-بەت كەلەتٸندەرٸن جاسىرماي ايتتى. ٶز باسىم تٶرتٸنشٸ پەندٸ تاڭداۋ دۇرىس ماماندىق تاڭداۋعا ىقپال ەتەدٸ دەپ ەسەپتەمەيمٸن. بٸر بايقاعانىمىز, 9 سىنىپ وقشىلارى ماماندىق تاڭداۋدا جالپىلاما ماماندىقتاردىڭ اتىن اتاۋدان ەرٸگە اسا المادى. ال 11 سىنىپ وقۋشىلارىنىڭ بٸرازى بولسا, مەديتسينا ماماندىعىن, سونىڭ ٸشٸندە حيرۋرگ, بالالار دەرٸگەرٸ بولعىسى كەلەتٸندەرٸن ايتىپ, ماماندىق تاڭداۋدا بٸراز ويلانعاندارىن بايقاتتى. بۇدان كەيٸن بٸزدٸڭ ورتالىقتىڭ قىزمەتكەرلەرٸ 9-11 سىنىپ وقۋشىلارىمەن جۇمىس ٸستەپ, قوعامدىق ٶمٸرٸمٸزدە قانداي ماماندىقتارعا سۇرانىس جوعارى ەكەنٸن جٸلٸكتەپ تٷسٸندٸرگەن سوڭ, جاستار ٶزدەرٸنٸڭ قولايىنا كەلەتٸن ماماندىقتاردى تاڭدايتىندارىن ايتىپ, العىسىن بٸلدٸردٸ, – دەدٸ ل. گوربۋنوۆا.
جيىن بارىسىندا سٶز العان «شەۆرون» كومپانيياسىنىڭ ەلەۋمەتتٸك باعدارلامالار جەنە ەلەۋمەتتٸك ينۆەستيتسييا بٶلٸمٸنٸڭ جەتەكشٸسٸ لەيلا ايتمۇحانوۆا:
– «شەۆرون» كومپانيياسى ەلەۋمەتتٸك باعىتتاعى جوبالارعا بارىنشا قولداۋ بٸلدٸرٸپ كەلە جاتقانىن جۇرتشىلىق جاقسى بٸلەدٸ. ماماندىق تاڭداۋ – ادام ٶمٸرٸندە ماڭىزدى سەت بولعاندىقتان, بٸزدەر بۇل جوبانىڭ ٸسكە اسىرۋدى قولدادىق. قازٸرگٸ تاڭدا جاستاردىڭ بٸر مامان يەسٸ بولىپ قانا قويماي, ٶزٸ تاڭداعان ماماندىعىن جان-تەنٸمەن سٷيۋٸ دە ماڭىزدى دەپ ەسەپتەيمٸن. ماماندىعىن شىن بەرٸلگەن جاندار كەز كەلگەن سالانىڭ اياققا تۇرىپ, دامۋىنا سەپتەسەتٸنٸ انىق. «شەۆرون» كومپانيياسى الماتى قالاسى مەن اتىراۋ وبلىسىندا جاستاردىڭ دۇرىس ماماندىق تاڭداۋىنا كٶمەك كٶرسەتٸپ, بۇل باعىتتا جۇمىستارعا بەلسەنە قاتىسىپ كەلەدٸ, – دەپ كومپانييا ٶكٸلٸ ٶز ويىن ورتاعا سالدى.
نۇرلان ەۋبەكٸر
