مەجٸلٸس پەن مەسليحات دەپۋتاتتارىنىڭ كەزەكتەن تىس سايلاۋىن تاعايىنداۋ تۋرالى مەلٸمدەمە جاساعان توقاەۆ:
"كٷزدەگٸ جولداۋىمدا مەجٸلٸس پەن مەسليحاتتار سايلاۋى وسى جىلدىڭ العاشقى جارتىسىندا بولاتىنىن جارييالادىم. ياعني, بۇل باستاما ايتىلعان سەتتەن سايلاۋعا دەيٸن 6 ايدان استام ۋاقىت ٶتەدٸ.
وسى كٷنگە دەيٸن سايلاۋعا دايىندالۋ ٷشٸن كانديداتتار مەن ساياسي پارتييالارعا وسىنشاما كٶپ ۋاقىت بەرٸلگەن ەمەس.
مەجٸلٸستٸڭ جەنە مەسليحاتتاردىڭ كەزەكتەن تىس سايلاۋى –كونستيتۋتسييالىق رەفورمانىڭ جالعاسى. حالقىمىز بۇل رەفورماعا قولداۋ بٸلدٸردٸ. سونىڭ نەتيجەسٸندە ەلٸمٸز بيلٸكتٸ جاڭا, ەدٸل ەرٸ اشىق بەسەكەگە جول اشاتىن قاعيدا بويىنشا جاساقتاۋعا كٶشتٸ", – دەدٸ.
ونىڭ اتاپ ٶتكەنٸندەي ەندٸگٸدە مەجٸلٸس دەپۋتاتتارىنىڭ 70 پايىزى پارتييالىق تٸزٸم ارقىلى, ال قالعان 30 پايىزى بٸر مانداتتى وكرۋگتەردەن سايلانادى. وبلىستار مەن رەسپۋبليكالىق ماڭىزى بار قالالارداعى مەسليحات دەپۋتاتتارى دا ارالاس جٷيە بويىنشا سايلانادى.
دەپۋتاتتاردىڭ 50 پايىزى بٸر مانداتتىق جٷيە ارقىلى, 50 پايىزى پارتييالىق تٸزٸم بويىنشا ٶتەدٸ. ال اۋدان جەنە وبلىستىق ماڭىزى بار قالالارداعى مەسليحات سايلاۋىندا ازاماتتار بٸر مانداتتى وكرۋگتەردەن شىققان كانديداتتارعا داۋىس بەرەدٸ.
"مەجٸلٸس پەن مەسليحاتتار جاڭا ٷلگٸ بويىنشا جاساقتالادى. سوندا سايلاۋشىلاردىڭ مٷددەسٸ جالپىۇلتتىق جەنە ايماقتىق دەڭگەيدە تولىق قورعالادى. بيلٸككە تٷرلٸ كٶزقاراستاعى ازاماتتاردىڭ كەلۋٸنە مٷمكٸندٸك تۋادى.
كونستيتۋتسييالىق رەفورما اياسىندا ساياسي پارتييالاردى تٸركەۋ رەسٸمٸ جەڭٸلدەدٸ. پارتييا مٷشەلەرٸنٸڭ سانىنا قاتىستى تالاپ ٶزگەردٸ. ونىڭ تٶمەنگٸ شەگٸ تٶرت ەسە تٶمەندەپ, 20 مىڭنان 5 مىڭعا دەيٸن ازايدى. پارتييالاردىڭ ەر ايماقتاعى ٶكٸلدەرٸنٸڭ سانى كەمٸندە 600 ادام بولۋعا تيٸس ەدٸ, ال قازٸر 200 ادامعا دەيٸن تٶمەندەدٸ.
وسىنىڭ نەتيجەسٸندە ەلٸمٸزدە كٶپ ۋاقىتتان بەرٸ العاش رەت بٸرنەشە جاڭا ساياسي پارتييا تٸركەلدٸ. سونىمەن بٸرگە سايلاۋ بيۋللەتەنٸنە «بەرٸنە قارسىمىن» دەگەن باعاننىڭ ەنگٸزٸلۋٸ ٶتە ماڭىزدى شەشٸم بولدى", – دەدٸ مەملەكەت باسشىسى.
ايتا كەتەلٸك, سوڭعى ٶزگەرٸستەرگە ساي پارتييالاردىڭ مەجٸلٸسكە ٶتۋٸنە قاجەتتٸ داۋىستىڭ تٶمەنگٸ شەگٸ 7-دەن 5 پايىزعا دەيٸن ازايعان.
توقاەۆتىڭ ايتۋىنشا بۇل– ەلٸمٸزدٸ دەموكراتييالاندىرۋ جولىنداعى ايرىقشا مەنٸ بار قادام. سايلاۋ ٷدەرٸسٸنە قوعامنىڭ تٷرلٸ ٶكٸلدەرٸن بارىنشا تارتۋ ٷشٸن زاڭناماعا باسقا دا ٶزگەرٸستەر ەنگٸزٸلگەن.
اتاپ ايتقاندا, دەپۋتاتتىق مانداتتىڭ 30 پايىزىن ەيەلدەرگە, جاستارعا جەنە ەرەكشە قاجەتتٸلٸگٸ بار ازاماتتارعا بٶلۋ زاڭ جٷزٸندە بەكٸتٸلدٸ.
وسى جايتتاردى تٸلگە تيەك ەتكەن توقاەۆ مۇنىڭ بەرٸ ساياسي بەسەكەنٸ كٷشەيتەتٸنٸن, ساياسي جٷيەنٸڭ اشىقتىعىن قامتاماسىز ەتەتٸنٸن ايتتى.
سونداي-اق ساياساتتاعى جاڭا بۋىنىنىڭ قالىپتاسۋىنا جول اشارىنا سەنٸم بٸلدٸردٸ.
"الداعى سايلاۋدىڭ زاڭعا سەيكەس ٶتۋٸنە, ەدٸل ەرٸ اشىق بولۋىنا قاتاڭ باقىلاۋ جاسالادى. بۇعان ورتالىق سايلاۋ كوميسسيياسى جەنە باس پروكۋراتۋرا جاۋاپتى.
سايلاۋ ناۋقانىن وتاندىق جەنە حالىقارالىق بايقاۋشىلار جٸتٸ قاداعالايدى. وسى تۇستا ازاماتتارىمىزدىڭ بايقاۋشى رەتٸندە بەلسەندٸلٸك تانىتۋى ماڭىزدى. زاڭعا ساي بارلىق كانديدات پەن پارتييانىڭ بۇقارالىق اقپارات قۇرالدارىنا شىعۋىنا بٸردەي مٷمكٸندٸك بەرٸلەدٸ.
وسى سايلاۋ ناۋقانى ەلٸمٸزدەگٸ ساياسي مەدەنيەتتٸڭ جوعارى ەكەنٸن ايقىن كٶرسەتەدٸ دەپ سەنەمٸن. بۇل سايلاۋ قوعامداعى ٶزگەرٸستەردٸڭ كٶرٸنٸسٸ رەتٸندە ساياسي جٷيەمٸزدٸڭ ودان ەرٸ جاڭعىرۋىنا ىقپالىن تيگٸزەدٸ.
مەجٸلٸس پەن مەسليحات سايلاۋى بيلٸك ينستيتۋتتارىن جاڭعىرتۋ جۇمىستارىنىڭ قورىتىندى كەزەڭٸ بولماق. وسىلايشا, "كٷشتٸ پرەزيدەنت – ىقپالدى پارلامەنت – ەسەپ بەرەتٸن ٷكٸمەت" قاعيداتى تولىق ٸسكە اسادى.
بٸز ەدٸلەتتٸ قازاقستاندى قۇرىپ جاتىرمىز.
بارشاڭىزدى ازاماتتىق جاۋاپكەرشٸلٸك تانىتىپ, مەجٸلٸس پەن مەسليحات سايلاۋىنا بەلسەنە قاتىسۋعا شاقىرامىن", – دەگەن پٸكٸر بٸلدٸردٸ.
وسى تۇستا "حالىق بانكٸ" تيمۋر مەن دينارا قۇلىباەۆاعا قوماقتى ديۆيدەنت تٶلەدٸ. مۇنى مىنا ارادان بٸلە الاسىز: t.me/dalainside
