مەجٸلٸستە مٷگەدەكتٸگٸ بار ادامداردىڭ قوعامدىق ۇيىمدارى ٷشٸن سالىقتىق شارتتاردى قايتا قاراۋ مەسەلەسٸ كٶتەرٸلدٸ, دەپ حابارلايدى Dala News.
مەجٸلٸس دەپۋتاتى ەرلان ەبديەۆتٸڭ تٶراعالىعىمەن ٶتكەن «ينكليۋزيۆتٸ پارلامەنت» دەپۋتاتتىق توبىنىڭ وتىرىسىندا جاڭا سالىق كودەكسٸنە ەنگٸزٸلگەن ٶزگەرٸستەر كەڭٸنەن تالقىلاندى. جيىنعا دەپۋتاتتارمەن قاتار ۇلتتىق ەكونوميكا بٸرٸنشٸ ۆيتسە-مينيسترٸ ازامات ەمرين, ەڭبەك جەنە حالىقتى ەلەۋمەتتٸك قورعاۋ, قارجى, ۇلتتىق ەكونوميكا مينيسترلٸكتەرٸنٸڭ ٶكٸلدەرٸ, سونداي-اق ەڭبەك رەسۋرستارىن دامىتۋ ورتالىعىنىڭ ماماندارى قاتىستى.
وتىرىستا ەرلان ەبديەۆ جاڭا سالىق كودەكسٸنٸڭ ەلەۋمەتتٸك سالماعىنا ەرەكشە نازار اۋداردى. ونىڭ ايتۋىنشا, 2026 جىلعى 1 قاڭتاردان باستاپ كٷشٸنە ەنەتٸن ٶزگەرٸستەرگە سەيكەس, سالىقتىق جەڭٸلدٸكتەر الۋ ٷشٸن مٷگەدەكتٸگٸ بار ادامداردى جۇمىسقا تارتۋ تالابى كٷشەيتٸلەدٸ.
«بۇعان دەيٸن جەڭٸلدٸك العان ۇيىمداردا نەبەرٸ ەكٸ مٷگەدەكتٸگٸ بار ادام جۇمىس ٸستەسە جەتكٸلٸكتٸ بولاتىن. ال جاڭا كودەكستە بۇل كٶرسەتكٸش 10 ادامعا دەيٸن ۇلعايتىلدى. قازٸر ەلٸمٸزدە 740 مىڭ مٷگەدەكتٸگٸ بار ادام بار, سونىڭ 410 مىڭى ەڭبەككە قابٸلەتتٸ جاستا. الايدا ولاردىڭ تەك 100 مىڭى عانا جۇمىسپەن قامتىلعان», – دەدٸ دەپۋتات.
جيىن قورىتىندىسىندا دەپۋتاتتار ٷكٸمەتكە سوڭعى 10 جىلدا سالىقتىق پرەفەرەنتسييا العان ٸرٸ ۇيىمدارعا تالداۋ جٷرگٸزۋ جٶنٸندە حاتتامالىق تاپسىرما بەرۋدٸ ۇسىندى. اتاپ ايتقاندا, بۇل ۇيىمداردا مٷگەدەكتٸگٸ بار ادامداردىڭ ناقتى قانشاسى جۇمىس ٸستەيتٸنٸ جەنە مەملەكەتتٸك قولداۋدىڭ تيٸمدٸلٸگٸ باعالانباق.
اتالعان تالداۋ نەتيجەسٸنە قاراي سالىق كودەكسٸنە قوسىمشا ٶزگەرٸستەر ەنگٸزۋ مٷمكٸندٸگٸ قاراستىرىلاتىن بولادى.
