پارلامەنت مەجٸلٸسٸندە پەداگوگ مەرتەبەسٸ مەن بٸلٸم بەرۋ مەسەلەلەرٸنە قاتىستى زاڭ جوباسى بٸرٸنشٸ وقىلىمدا ماقۇلداندى, دەپ حابارلايدى Dala News.
قۇجات مەملەكەت باسشىسى قاسىم-جومارت توقاەۆتىڭ پەداگوگتەردٸڭ قۇقىقتارى مەن زاڭدى مٷددەلەرٸن كٷشەيتۋ جٶنٸندەگٸ تاپسىرماسى اياسىندا دەپۋتاتتار باستاماسىمەن ەزٸرلەنگەن.
زاڭ جوباسىنىڭ نەگٸزگٸ ماقساتى – مۇعالٸمدەردٸڭ مەرتەبەسٸن ارتتىرۋ جەنە قۇقىقتارىن قورعاۋ.
قۇجاتتا بٸرقاتار ماڭىزدى ٶزگەرٸستەر ۇسىنىلعان. اتاپ ايتقاندا, پەداگوگتەردٸڭ جاۋاپكەرشٸلٸگٸ تەك وقۋ پروتسەسٸ كەزەڭٸمەن شەكتەلەدٸ. سونداي-اق مۇعالٸمدەردەن ەسەپتٸلٸكتٸ بٸر مەزگٸلدە قاعاز جەنە ەلەكتروندىق فورماتتا جٷرگٸزۋ تالاپ ەتٸلمەيدٸ.
سونىمەن بٸرگە بالالاردىڭ ٶمٸرٸ مەن قاۋٸپسٸزدٸگٸ ٷشٸن اتا-انالاردىڭ جاۋاپكەرشٸلٸگٸن كەڭەيتۋ قاراستىرىلعان. ورتا بٸلٸم بەرۋ ۇيىمدارىندا ۇيالى تەلەفونداردى پايدالانۋ بويىنشا بٸرىڭعاي ەرەجەلەر ەنگٸزۋ ۇسىنىلادى.
بۇدان بٶلەك, ٷكٸمەت باستاماسىمەن زاڭ جوباسىنا قوسىمشا نورمالار ەنگٸزٸلگەن. ولاردىڭ قاتارىندا دەنساۋلىق ساقتاۋ نىساندارىن سالۋ جەنە پايدالانۋ سالاسىندا مەملەكەتتٸك جەكەشەلٸك ەرٸپتەستٸك جوبالارىنا قاتىساتىن سەرٸكتەستەر تٸزٸمٸن كەڭەيتۋ بار. سونىمەن قاتار قازاقستاندا شەتەلدٸك جەتەكشٸ ۋنيۆەرسيتەتتەردٸڭ جۇمىس ٸستەۋٸنە قولايلى جاعداي جاساۋعا باعىتتالعان قۇقىقتىق تەتٸكتەر قاراستىرىلعان.
مەديتسينالىق بٸلٸم بەرۋ جٷيەسٸن جەتٸلدٸرۋ مەسەلەلەرٸ دە جەكە بلوك رەتٸندە ەنگٸزٸلگەن. ال جەرگٸلٸكتٸ دەڭگەيدە مەكتەپ وقۋشىلارىن عىلىمي قىزمەتكە تارتۋعا قاتىستى تٷزەتۋلەر ۇسىنىلعان.
زاڭ جوباسى بويىنشا مەجٸلٸستٸڭ بارلىق كوميتەتتەرٸ قورىتىندى بەرگەن. جۇمىس توبىنىڭ بەس وتىرىسى جەنە كوميتەتتٸڭ بٸر كەڭەيتٸلگەن وتىرىسى ٶتكٸزٸلگەن.
كوميتەت تٶراعاسى اسحات ايماعامبەتوۆ بۇل قۇجاتتى بٸرٸنشٸ وقىلىمدا ماقۇلداپ, مەجٸلٸستٸڭ جالپى وتىرىسىنىڭ قاراۋىنا ەنگٸزۋدٸ ۇسىندى.
