مەجٸلٸس دەپۋتاتى نۇرگٷل تاۋ ەلورداداعى تۇرمىستىق قالدىقتاردى بٶلەك جيناۋ جٷيەسٸنٸڭ جۇمىسىنا شاعىمداندى, دەپ حابارلايدى Dalanews.kz Baq.kz-كە سٸلتەمە جاساپ.
دەپۋتاتتىڭ سٶزٸنشە, استانا تۇرعىندارى قوقىستى تٷرٸنە قاراي بٶلٸپ تاستاعانىمەن, ونى شىعاراتىن كومپانييالار بەرٸبٸر ارالاستىرىپ, بٸر تەحنيكاعا تيەپ ەكەتەدٸ. مۇنداي جاعداي حالىقتىڭ سۇرىپتاۋعا دەگەن سەنٸمٸن تولىقتاي جويىپ وتىرعانىن ايتتى.
«ٷيدە تاماق قالدىقتارى مەن قاتتى قالدىقتاردى بٶلەك جينايمىز. بٸراق تاڭەرتەڭ بالام ەكٸ كونتەينەردەگٸ قوقىستى بٸر عانا كٶلٸككە ارالاستىرىپ تيەپ جاتقانىن كٶرگەن. سوندا بٶلەك جيناۋدىڭ مەنٸ قانشا?» – دەدٸ دەپۋتات.
ول بۇل جٷيەنٸڭ قاعاز جٷزٸندە عانا بار ەكەنٸن كٶرسەتەتٸن ناقتى مىسال ەكەنٸن جەتكٸزدٸ.
سونىمەن قاتار نۇرگٷل تاۋ قالدىقتاردى جيناۋ, ٸرٸكتەۋ جەنە قايتا ٶڭدەۋ جۇمىسىمەن اينالىساتىن وپەراتورلارعا بٶلٸنەتٸن قارجىنىڭ تولىق تٶلەنبەيتٸنٸن دە سىنعا الدى. ونىڭ ايتۋىنشا, 2024 جىلعا قاراستىرىلعان 7,5 ملرد تەڭگەنٸڭ تەك 4,6 ملرد تەڭگەسٸ عانا اۋدارىلعان.
«قاراجاتتىڭ تولىق بٶلٸنبەۋٸ كومپانييالاردىڭ جۇمىسىنا كەرٸ ەسەر ەتەدٸ. اقشا جەتپەگەن سوڭ ەڭ تيٸمسٸز ەدٸس – قوقىستى ٶرتەۋ تەسٸلٸنە قايتا ورالىپ وتىرمىز», – دەدٸ ول.
دەپۋتاتتىڭ ايتۋىنشا, استانا ماڭىنداعى پوليگونداردا زاڭسىز قوقىس ورىندارىنىڭ سانى كٷرت ارتقان. ول جۋرناليستەرمەن بٸرگە بٸرنەشە پوليگوندى ارالاپ شىققانىن, جاعدايدىڭ تىم كٷردەلٸ ەكەنٸن ايتتى.
«ەلدٸڭ باسشىلىعى وتىرعان قالانىڭ دەل ٸرگەسٸندە قوقىس تاۋ بولىپ جينالىپ جاتىر. بۇل – ٶتە ۇيات جاعداي. استانا كٷننەن-كٷنگە قوقىسقا كٶمٸلٸپ بارادى», – دەدٸ نۇرگٷل تاۋ.
ول سونداي-اق ەكولوگييالىق كودەكستە بۇرىننان بەلگٸلەنگەن قالدىقتاردى باسقارۋ تۇجىرىمداماسىن قايتا-قايتا ٶزگەرتٸپ, جاڭا نۇسقا ەزٸرلەۋگە ۋاقىت جوعالتۋدىڭ قاجەتٸ جوق ەكەنٸن ايتتى. ەڭ ماڭىزدىسى – بار قۇجاتتى دۇرىستاپ ورىنداۋ.
«قۇجات دايىن تۇر. ەندٸ ونى جىل سايىن جاڭارتپاي, ناقتى ٸسكە كٶشۋ كەرەك. استانا ماڭىن تازالاۋ جۇمىسى ەلٸ ورىندالماي جاتىر», – دەدٸ دەپۋتات.
سونىمەن بٸرگە ول «تازا قازاقستان» اكتسييالارىنان كەيٸن جينالعان قالدىقتاردىڭ دا قايدا جٸبەرٸلەتٸنٸ انىق ەمەس ەكەنٸن, كەيدە ول قوقىس قايتادان رۇقسات ەتٸلمەگەن ٷيٸندٸلەرگە اينالىپ كەتەتٸنٸن ايتتى.
نۇرگٷل تاۋ ەكولوگييا جەنە تابيعي رەسۋرستار مينيسترلٸگٸن قالدىقتاردى سۇرىپتاۋ جٷيەسٸن كٷشەيتۋگە, وپەراتورلارعا قاراجات بٶلۋدٸ رەتتەۋگە جەنە قالانىڭ اينالاسىنداعى زاڭسىز پوليگونداردى جەدەل جويۋعا باعىتتالعان ناقتى شارالاردى قابىلداۋعا شاقىردى.
