بۇل تۋرالى "قاسقا جول" باعدارلاماسىندا ايتىلدى دەپ حابارلايدى Stan.kz.
ارمان شوراەۆ رۋعا بٶلٸنبەيدٸ. "ەر قازاق مەنٸڭ - جالعىزىم" دەپ جٷرگەن ازامات. "قازاق رۋعا بٶلٸنبەيدٸ, قازاق رۋدان قۇرالادى" دەيدٸ ول. ٶزٸن بيلٸكتٸڭ ەمەس, تەۋەلسٸز ازاماتپىن دەپ تانىستىردى. ودان بٶلەك ۆاكتسينا مەسەلەسٸنە توقتالدى.
"مەن رەسەيدٸڭ ۆاكتسيناسىن سالعىزبايمىن. ۆاكتسيناعا قارسى ەمەسپٸن. بٸراق مەن ەۆرەي عالىمارىنا كٶپ سەنەمٸن. Pfizer ۆاكتسيناسىن سالعىزعىم كەلەدٸ. ەگەر ونى الا الماسام, وتاندىق ۆاكتسينانى قولدايمىن. ٶز عالىمدارىمىزعا سەنەمٸن", - دەدٸ شوراەۆ.
قوعام قايراتكەرٸ ۇلتشىل ەمەس. ەلٸمٸزدە قازاققا جانى جاقىن ٶزگە ازاماتتار دا, قازاق ٷشٸن كٷرەسە المايتىن ٶز ازاماتتارىمىز دە جەتەرلٸك دەپ سانايدى.
"مەن تانيتىن نەبٸر ٶزگە ۇلت ٶكٸلدەرٸ بار. جانى قازاق دەپ تۇر. ەر سالادا جٷر. ال كٶپ سٶيلەيتٸن, ٸسٸنەن سٶزٸ كٶپ, قازاققا جانى اشىعان ادامداي كٶرٸنەتٸن ٶز ازاماتتارىمىز دا جەتەرلٸك. بٸزدٸڭ الاش ازاماتتارىنىڭ دا كٶبٸنٸڭ ەيەلدەرٸ ٶزگە ۇلتتتان. سوندىقتان مەن ۇلتشىل ەمەسپٸن", - دەدٸ ول.
ارمان شوراەۆ جيرينوۆسكييدٸڭ ساياسي قۋىرشاق دەپ سانايدى. ال ٶز دەڭگەيٸندە اقىلدى ازامات دەپ قوستى.
"جيرينوۆسكييمەن كەزدەسٸپ, سٶيلەسكەنمٸن كەزٸندە. ول ينتەللەكتٸسٸ جوعارى دامىعان ازامات. اقىلدى ازامات. الايدا قازٸرگٸ سٶيلەپ جٷرگەنٸ سايقىمازاقتىڭ, ساياسي قۋىرشاقتىڭ رٶلٸ. ول جاي عانا رٶل ويناپ جٷر. بٸز ونىڭ اۋزىن جاپقىزا المايمىز. وندايلار قاشاندا بولعان", - دەدٸ شوراەۆ.
"بٸزدٸڭ ەلدە دە جاعىمپازدىق كٶپ. بٸرەۋدٸڭ بٸر جەرٸن جالاپ جوعارى مانساپقا جەتٸپ جٷرگەندەر بار. جاس دەپۋتات مەدي احمەتوۆتٸڭ بيلٸككە قالاي كەلگەنٸن بەرٸمٸز بٸلەمٸز عوي. ول جاستارعا تەرٸس ٷلگٸ. وندايلار كٶپ قوي. جاعىمپازداردى دەپۋتات قىلۋ - بيلٸك قاستاندىعى", - دەدٸ قوعام قايراتكەرٸ.
جۋرناليست اۋىل شارۋاشىلىق جەرٸن ساتۋعا قارسى. ال ٷي-جاي سالۋ ٷشٸن قازاققا جەر ساتىلۋى كەرەك دەپ سانايدى. اۋىلشارۋاشىلىق جەرلەر تەك قانا جالعا بەرٸلۋٸ كەرەك دەگەن پٸكٸردە.
"اۋىلشارۋاشىلىق جەرلەر ساتىلماۋى كەرەك. ول تەك جالعا بەرٸلٸپ, يگەرٸلۋ كەرەك. سەبەبٸ ول ورتاق جەر. ال ٷي-جاي سالۋعا جەردٸ ازاماتتارعا ساتۋعا بولادى", - دەدٸ ول.
ارمان شوراەۆ ەلٸمٸزدە ٶتكەن لگبت ٶكٸلدەرٸنە قارسى. ولارعا قولداۋ جوعارى جاقتان دا بولۋى مٷمكٸن دەپ سانايدى.
"بٸزدە اقوردادا دا بۇرىن لگبت ٶكٸلدەرٸ بولعان, پارلامەنتتە دە, ٷكٸمەتتە دە بار. ەسٸمدەرٸنە دەيٸن بٸلەمٸن. ولار از بولسا دا, قولداۋ جاسايدى دەپ ويلايمىن. ولارعا قارسى بولۋ كەرەك. شەرۋگە رۇقسات ەتپەۋ كەرەك. بٸرٸنشٸدەن بٸز مۇسىلمانبىز, ەكٸنشٸدەن قازاقپىز. ونداي ارسىزدىققا جول بەرمەۋ كەرەك", - دەدٸ.
شوراەۆ مىرزا قول بوستا اڭشىلىققا شىعىپ, ساياتشىلىق قۇرادى. تٸپتٸ شەتەلگە شىعىپ, قاز اتادى. ٶز باسى قازاقستاندا قاسقىر اۋلاۋعا قارسى. سەبەبٸ, قاسقىردى قازاقتىڭ مٶرٸ, تٷز تاعىسى, كيەلٸ جانۋارى سانايدى.
"مەن بۇرىندارى جان-جانۋارعا اڭشىلىققا شىعاتىن ەدٸم. قازٸر تەك قاز اتۋعا بارامىن. سەبەبٸ قازدىڭ سانى كٶپ. ولاردىڭ اڭشىلىقپەن جويىلىپ كەتۋ قاۋپٸ جوق. سوندىقتان قازعا شىعامىن. اڭدى اتقاندا ٷركٸتٸپ اتادى. تەپە-تەڭدٸك بولۋ كەرەك. اڭنىڭ قاشۋىنا مٷمكٸندٸك بولۋ كەرەك. بٸزدە وندايدى بٸلە بەرمەيدٸ", - دەدٸ جۋرناليست.
ەسكە سالساق, وسىعان دەيٸن زاڭسىز قاسقىر اۋلاماق بولعان توقتار ەۋبەكٸروۆتٸڭ باسى داۋعا قالعان ەدٸ. ارمان شوراەۆ توقتار ەۋبەكٸروۆكە بارلىعى جاراسادى دەپ اقتادى.
"توقتار اعاعا بەرٸ جاراسادى. ول قازاقتىڭ ەركەسٸ. ول كٸسٸنە قىلمىس جاسادىڭ دەپ ايىپتاۋعا بولمايدى. ول كٸسٸ ەل-فارابي كٶشەسٸمەن قارسى باعىتتا جٷرسە دە بولادى. ٶز باسىم قاتتى قۇرمەتتەيمٸن. الداعى ۋاقىتتا بٸرگە قاز اتۋعا شاقىرسام با دەيمٸن", - دەدٸ ول.
ارمان شوراەۆ قازٸرگٸ ٶتپەلٸ ۋاقىتتا بيلٸكتە قاسىم-جومارت توقاەۆتىڭ باسشىلىق ەتكەنٸن قولدايدى. ال ەلباسىعا ۇزاق عۇمىر تٸلەدٸ.
"قازٸر ٶتپەلٸ كەزەڭ. بۇنداي ۋاقىتتا بيلٸكتە ەر ازامات بولعانى جٶن. ال 25-50 جىلدا ەيەل ادام باسقارسا بولادى دەپ ويلايمىن. سەبەبٸ, ەيەل ادامنىڭ بيلٸكتە بولعانى دا جاقسى. ولاردا قاناعات بولادى. ەر ادامدارعا قاراعاندا جەمقورلىق ازايادى. بٸزدە جٷيە ٶزگەرەدٸ. كەزٸندە كەڭەس وداعى دا قۇلادى عوي. بٸزدە دە ٶزگەرٸس بولادى. ەلباسىعا ۇزاق عۇمىر تٸلەيمٸن. كەزٸندە قازاق كٷرەس فەدەراتسيياسىن باسقارۋدى ۇسىنىپ ەدٸم. ەلٸ دە سول ويدامىن. قازاق كٷرەسٸنە قولداۋ بولار ەدٸ دەپ ويلايمىن", - دەدٸ شوراەۆ.
