بەلارۋس پرەزيدەنتٸ الەكساندر لۋكاشەنكو ۋكراينا باسشىسى ۆلاديمير زەلەنسكييگە قاتىستى بۇرىن ايتقان سىن پٸكٸرلەرٸ ٷشٸن كەشٸرٸم سۇراۋعا دايىن ەكەنٸن مەلٸمدەدٸ, دەپ حابارلايدى dalanews.kz.
Al Arabiya تەلەارناسىنا بەرگەن سۇحباتىندا لۋكاشەنكو ەگەر ونىڭ سٶزدەرٸ زەلەنسكييدٸڭ كٶڭٸلٸنە تيگەن بولسا, كەشٸرٸم سۇراۋعا قارسى ەمەس ەكەنٸن جەتكٸزدٸ. ونىڭ ايتۋىنشا, سوعىس جاعدايىندا جٷرگەن مەملەكەت باسشىسىنا قاتىستى مۇنداي سيپاتتاعى مەلٸمدەمە جاساماعانى دۇرىس بولار ەدٸ. سونىمەن قاتار, بەلارۋس باسشىسى ۋكراينالىق تاراپ تا مينسكتٸڭ ۇستانىمىن تٷسٸنۋگە تيٸس دەپ ەسەپتەيتٸنٸن ايتتى.
سۇحبات بارىسىندا لۋكاشەنكو بەلارۋستٸڭ ۋكراينامەن ەسكەري قاقتىعىسقا بارۋعا مٷددەلٸ ەمەس ەكەنٸن دە اتاپ ٶتتٸ. ونىڭ پٸكٸرٸنشە, سوعىس جاعدايىندا ەل اۋماعىنداعى ستراتەگييالىق ماڭىزى بار ٶندٸرٸستٸك كەسٸپورىندار, كٶلٸك-لوگيستيكالىق توراپتار مەن ينفراقۇرىلىم نىساندارى نەگٸزگٸ نىساناعا اينالۋى مٷمكٸن.
بەلارۋس پرەزيدەنتٸ سونداي-اق ۋكراينالىق ەسكەريلەر رەسپۋبليكا اۋماعىنداعى بٸرنەشە جٷزدەگەن نىساندى ىقتيمال سوققى وبەكتٸسٸ رەتٸندە بەلگٸلەگەنٸ تۋرالى اقپارات بار ەكەنٸن مەلٸمدەدٸ.
ايتا كەتەيٸك, بۇعان دەيٸن, 31 مامىر كٷنٸ لۋكاشەنكو ۋكراينا تاراپىنىڭ بەلارۋستەگٸ 500 نىساناعا قاتىستى مەلٸمدەمەسٸنە جاۋاپ بەرٸپ, ۆلاديمير زەلەنسكيي تۋرالى ٶتكٸر پٸكٸر بٸلدٸرگەن بولاتىن. سول كەزدە ول ۋكراينا پرەزيدەنتٸنٸڭ ەرەكەتتەرٸن سىناپ, ونىڭ جاعدايىنا قاتىستى مىسقىلمەن پٸكٸر ايتىپ, "بٸردەڭە شەگٸپ نەمەسە ينە سالدىرىپ العان بولۋى مٷمكٸن" دەپ ايتقان ەدٸ.
