استاناداعى جەڭٸل رەلستٸ كٶلٸك (LRT) قۇرىلىسىن قارجىلاندىرۋ ٷشٸن مەملەكەت مەنشٸگٸنە قايتارىلعان اكتيۆتەر پايدالانىلۋى مٷمكٸن بە? بۇل ساۋالعا ۆيتسە-پرەمەر – ۇلتتىق ەكونوميكا مينيسترٸ سەرٸك جۇمانعارين مەجٸلٸستەگٸ بريفينگ بارىسىندا جاۋاپ بەردٸ, دەپ حابارلايدى Dalanews.kz.
مينيستردٸڭ ايتۋىنشا, قازٸرگٸ تاڭدا مۇنداي تەسٸل قاراستىرىلىپ جاتقان جوق.
"LRT-نى بٸز قازٸر رەسپۋبليكالىق بيۋدجەت ەسەبٸنەن قارجىلاندىرىپ جاتىرمىز. بيىل جوبانىڭ بٸرٸنشٸ كەزەگٸن اياقتاۋدى جوسپارلاپ وتىرمىز. اشىق ايتقاندا, اكتيۆتەردٸ وسى ماقساتتا پايدالانۋ تۋرالى ەڭگٸمە ەستٸگەن ەمەسپٸن. قازٸرگٸ بيۋدجەتتە LRT قۇرىلىسىنا ناقتى قاراجات كٶزدەلگەن", – دەدٸ جۇمانعارين.
2024 جىلدىڭ مامىر ايىندا جەڭٸل رەلستٸ كٶلٸكتٸڭ قوس جولاقتى 22,4 شاقىرىمدىق جەلٸسٸنٸڭ 5,6 شاقىرىمى تٶسەلگەنٸ بەلگٸلٸ بولدى. بيىلعى جىلى №116 جەنە №117 ستانتسييالار اراسىنداعى ەستاكادادا العاشقى 500 مەتر جول سالىندى. بۇل سىناق كەزەڭٸ اۋا رايىنىڭ جولدىڭ ساپاسىنا ەسەرٸن زەرتتەۋگە مٷمكٸندٸك بەردٸ.
قاڭتار ايىندا استانا ەكٸمٸ جەڭٸس قاسىمبەك LRT قۇرىلىسى 2025 جىلدىڭ جازىندا تولىق اياقتالاتىنىن مەلٸمدەگەن ەدٸ. قىركٷيەك ايىندا العاشقى پويىزدار جەتكٸزٸلٸپ, سىناق رەجيمٸندەگٸ جٷرٸستەر باستالماق. "City Transportation Systems" كومپانيياسى قازٸردٸڭ ٶزٸندە جەڭٸل رەلستٸ كٶلٸك جٷيەسٸنە ديسپەتچەرلەردٸ وقىتۋ ٷشٸن الدىن الا ٸرٸكتەۋ جٷرگٸزٸپ جاتىر.
جەڭٸس قاسىمبەك سونىمەن قاتار جولاۋشىلار ٷشٸن جولاقى شامامەن 100-200 تەڭگە ارالىعىندا بولادى دەپ حابارلادى.
